ޕެރާ ސްޕޯޓްސް ކްލަބުން އައިއޯއައިޖީ 2027ގައި ބައިވެރިވުމަށް ހުޅުވާލައިފިއެވެ.

ކުރިއަށް އޮތް އައިއޯއައިޖީގައި ބައިވެރިވާން ބޭނުންވާ އެތުލީޓުންނަށް ޕެރާ ސްޕޯޓްސް ކްލަބުގެ ރަސްމީ ފޭސްބުކް ޕޭޖް މެދުވެރިކޮށް ހުށަހެޅޭނެކަމަށް އެ ކުލަބުން ބުނެއެވެ.

އެ ކުލަބުގެ އަމާޒަކީ ކުރިއަށް އޮތް އައިއޯއައިޖީގައި ރަން މެޑްލް ހޯދުމެވެ.

Advertisement

2019 ވަނަ އަހަރު ރަޖިސްޓްރީކޮށް އުފެއްދި ޕެރާ ސްޕޯޓްސް ކުލަބަކީ ނުކުޅެދުންތެރިކަން ހުންނަ ފަރާތްތަކަށް ކުޅިވަރުގެ ފުރުސަތުތައް ފަހިކޮށްދޭ ކުލަބެކެވެ. އަދި އެތްލެޓިކްސްގައި އެތުލީޓުން ބައިވެރިވުމަށް ހިތްވަރުދޭ ކުލަބެކެވެ.

މީގެކުރިންވެސް އެ ކުލަބްގެ އެތުލީޓުންވަނީ ބައިނަލްއަޤްވާމީ މުބާރާތްތަކުގައި ބައިވެރިވެ ފާހަގަކުރެވޭ ކާމިޔާބީތަކެއް ހޯދާފައެވެ. މިގޮތުން އައިއޯއައިޖީ 2019ގައި ފިރިހެން ބްލައިންޑް ކެޓަގަރީން ބްރޯންޒް މެޑަލް، އައިއޯއައިޖީ 2023 ގައި ފިރިހެން އަދި އަންހެން ބްލައިންޑް ކެޓަގަރީން 2 ބްރޯންޒް މެޑަލް ހޯދާފައިވާއިރު ޕެރަލިމްޕިކް 2020 ޓޯކިޔޯގައި ވެސް އެ ކުލަބުގެ އެތުލީޓުން ވަނީ ބައިވެރިވެފައެވެ.