އިކޮނޮމިކް މިނިސްޓްރީގެ ފޮރިން ލޭބަރ ސްޓެސްޓިކްސް އެންޑް އެކްސްޕެޓް ސިސްޓަމް ރިޕޯޓެއް ފުހެލާފައިވާ ސަބަބު ތަޙްޤީޤްކުރަން އަންގާފައިވާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
އެބޭފުޅާ މިފަދައިން ވިދާޅުވީ އިކޮނޮމިކް މިނިސްޓްރީން ޓްވީޓެއް ޑިލީޓްކުރުމާއިގުޅޭ ގޮތުން ފާޑުކިޔުން އަމާޒުވެފައިވާތީ އެކަމާއި ގުޅޭގޮތުން އެކްސްގައި ކުރެއްވި ޓްވީޓެއްގައެވެ.
"އިކްނޮމިކް މިނިސްޓްރީގެ ރަސްމީ އެއްވެސް ޓްވީޓެއް އަޅުގަނޑު އަންގައިގެން ޑިލީޓްކޮށްފައެއް ނުވާނެ. އެކަންކުރި ސަބަބު ތަޙްޤީޤްކުރަން މިހާރުވާނީ އަންގާފައި."
މިނިސްޓަރ ސައީދު ވިދާޅުވިއެވެ.
މިނިސްޓްރީން މި އަހަރު ނެރުނު ފޮރިން ލޭބަރ ސްޓެސްޓިކްސް އެންޑް އެކްސްޕެޓް ސިސްޓަމް ރިޕޯޓު ޑިލީޓު ކޮށްފައިވަނީ ވަޒީފާއާ ބެހޭ ގާނޫނުގައި ބަޔާންކޮށްފައިވާ އަދަދާ ހިލާފަށް ބަންގްލަދޭޝް އިން ރާއްޖެއަށް އަންސްކިލްޑް ލޭބަރުން އަލުން ގެނެވޭ ގޮތަށް އިއްޔެ ނިންމާފައި އޮއްވަ އެވެ.
އެ ރިޕޯޓުގައި ވާގޮތުން، ޑިސެމްބަރު މަހުގެ 12 ވަނަ ދުވަހާ ހަމައަށް 139،220 ބަންގްލަދޭޝް މީހުން ރާއްޖޭގައި މަސައްކަތް ކުރަމުން އެބަދެއެވެ.
އިކޮނޮމިކް މިނިސްޓްރީގެ ވެބްސައިޓުން ކުރިން އެ މައުލޫމާތު ފެނުނުނަމަވެސް ސަރުކާރުން މިހާރު ވަނީ ހުރިހާ ރެކޯޑެއް ޑިލީޓްކޮށްފައެވެ.
Advertisement
This content is created and paid for by advertisers and does not involve Voice Journalists
