ފަތުރުވެރިކަމުގެ ދާއިރާގައި އަންހެނުންގެ ބައިވެރިވުން އިތުރުކުރުމަށް ޓޫރިޒަމް މިނިސްޓްރީން ސޯޝަލް އެންޑް ފެމިލީ ޑިވޮލޮޕްމަންޓް މިނިސްޓްރީ އާއި އެކު މަޝްވަރާކޮށްފިއެވެ.

މިކަމާއި ގުޅިގެން ޓުއަރިޒަމް މިނިސްޓްރީން ބުނީ މި މަޝްވަރާ ބައްދަލުވުމުގައި މައިގަނޑު ގޮތެއްގައި އަލި އަޅުވާލެވުނީ މިދާއިރާގައި އަންހެނުންނަށް ކުރިމަތި ލާންޖެހޭ ގޮންޖެހުންތައް ދެނެގަތުމާއި ބެހޭގޮތުން ކަމަށެވެ.

އަދި މީގެ އިތުރުންވެސް އެ ސިނާޢަތުގައި ބައިވެރިވުމަށް ހިތްވަރު ދިނުމުގެ ގޮތުން އަންހެނުންނާއި ޒުވާނުންނަށް ބާރުވެރިކުރުމުގެ ޤައުމީ ފެންވަރުގެ ޕްރޮގްރާމެއް އެކުލަވާލުމާއި ބެހޭ ގޮތުން މަޝްވަރާ ކުރެވުނު ކަމަށް ވެސް އެ މިނިސްޓްރީން މައުލޫމާތުދެއެވެ.

Advertisement

އެކި އެކި ދާއިރާތަކުން އަންހެނުން ބާރުވެރި ކުރުމަކީ ރައީސް ޑރ.މުހައްމަދު މުއިއްޒުގެ ރިޔާސީ ވައުދުފުޅެކެވެ. އެގޮތުން މިހާރުވެސް، ދައުލަތުގެ ޑެޕިއުޓީ މިނިސްޓަރުން ނުވަތަ އެއަށްވުރެ މަތީ ލެވެލްއަށް ބަލާއިރު 22 އިންސައްތައަކީ އަންހެން ބޭފުޅުންނެވެ.