ޤައުމީ ސަލާމް ކިޔުމުގެ މައްސަލައިގައި ދިވެހިރާއްޖޭގެ ފަތުވާ ކޮމިޓީގެ ބަސް ނެރެފިއެވެ.
މިއަދު ހެނދުނު އިސްލާމީ ކަންކަމާއި ބެހޭ ވުޒާރާއިން އާންމު ކޮށްފައިވާ އިސްލާމީ ފަތުވާދޭ އެންމެ މަތީ މަޖިލީހުގެ ފަތުވާ 27 ގައި ބުނެފައިވަނީ އެކިއެކި މުނާސަބުތުތަކިގައު ޤައުމީ ސަލާމް ކިޔުމާއި، ދިވެހި ޤައުމީ ދިދައަށް ސަލާމްކުރުމާއި ޤައުމީ ސަލާމް ކިޔާވަގުތު ކޮޅަށްހުރުމާއި، ޤައުމީ ސަލާމް ކިޔާ ވަގުތު މޭމަތީގައި އަތް ބޭއްވުމާއި ބެހޭ މައްސަލައާއި މެދު އެކޮމިޓީ އިން ދިރާސާކޮށް މަޝްވަރާ ކޮށްފައިވާ ކަމަށް ބުނެފައެވެ.
އެގޮތުން އެމަޖިލީހުގެ ދިރާސާގައި އިސްލާމީ ފަތުވާދޭ ބައިނަލްއަޤްވާމީ މަޖިލިސްތަކުގެ ފަތުވާތަކަށް ބެލުމުން އެނގިހާމަވީ، ޤައުމީ ސަލާމް ކިޔުމާއި، ޤައުމީ ސަލާމް ކިޔާވަގުތު ކޮޅަށް ތެދުވެހުރުމާއި، ދިވެހި ޤައުމީ ދިދައަށް ސަލާމްކުރުމާއި، ޤައުމީ ސަލާމް ކިޔާއިރު ޝަރްއީ އަޅުކަމެއް އަދާކުރުމަށް ހަށަމަށް ދެއަތް ބަނދެގެން ހުންނަ ގޮތް ނޫން ގޮތަކަށް މޭމަތީގައި އަތްދަނޑި ބޭއްވުމަކީ އިސްލާމް ދީނުގައި ކަނޑައެޅި ބަޔާންވެގެންވާ އެއްވެސް އަޅުކަމަކާއި ގުޅުމެއް އޮތްކަމަކަށް ނޫން ކަން ކަމަށެވެ.
މިއާއި އެކު މިއީ އާދަކާދަތަކާއި ގުޅިފައިވާ ކަމެއް ކަންވެސް އެފަތުވާގައި ބުނެފައިވެއެވެ. މީގެ އިތުރުން އާދަކާދައިގެ އަޞްްލަކީ ހުއްދަވުން ކަން ކަމަށްވެސް ބުނެފައިވެއެވެ.
އާދަކާދަ އާއި ގުޅޭ ކަމެއް ޙަރާމް ކަމަށް ކަނޑައެޅޭނީ ޞަރީޙަ ދަލީލަކުން ސާބިތުވުމުން ކަމަށްވެސް ވަނީ ބުނެފައެވެ.
އަދި އެމައްސަލަ ދިރާސާ ކުރުމުން އެނގި ހާމަވީ މިކަން ޙަރާމް ކުރާނެ ޞަރީޙަ ދަލީލެއް ނެތް ކަން ކަމަށްވެސް އެ ފަތުވާގައި ބުނެފައިވެއެވެ.
ޤައުމީ ސަލާމް ކިޔުމާއި، ޤައުމީ ސަލާމަށް މެއަށް އަތް ނެގުން ފަދަ ކަންކަމަކީ ޝިރުކުގެ ތެރެއަށް ވަަންނާނެ ކަމެއް ކަމަށާއި އެފަދަ ކަންކަމީ ހުއްދަ ވެގެންވާނެ ފަދަ ކަންކަން ނޫން ކަމަށް ރާއްޖޭ ދީނީ އިލްމުވެރިއަކު ވިދާޅުވި ވިދާޅުވުމެއް ސޯޝަލް މީޑީއާގައި މިދޭތެރެއިން ޢާންމުވެގެން ދިޔައެވެ.
މިހާރު ފަތުވާ ކޮމިޓީ އިން މިކަން މިވަނީ ޢާންމުނަށް ސާފުވާނެ ހެން ބުނެދެއްވައިފައެވެ.
Advertisement
This content is created and paid for by advertisers and does not involve Voice Journalists
