އިމްޕޯޓް އެކްސްޕޯޓު ވިޔަފާރިން މި ފާއިތުވި މަހު ދައުލަތަށް 429 މިލިއަން ރުފިޔާ ލިބިފައިވާ ކަމަށް މޯލްޑިވްސް ކަސްޓަމްސް ސާވިސަސް އިން ނެރެފައިވާ ތަފާސްހިދާބުތަކުން ދައްކައިފިއެވެ.
މިއީ މިދިޔަ އަހަރާއި އަޅާބަލާއިރު 21 އިންސައްތަ އިތުރު މިންވަރެެކެވެ. މިދިޔަ އަހަރު ނޮވެމްބަރު މަހު އިމްޕޯޓް އެކްސްޕޯޯޯޯޯޯޯޯޓުގެ ވިޔަފާރިން ދައުލަތައް ލިބިފައިވަނީ 355 މިލިއަން ރުފިޔާއެވެ.
ރާއްޖެއިން މި ނޮވެމްބަރު މަހު އެކްސްޕޯޓް ކޮށްފައިވާ މުދާ މިދިޔަ އަހަރުގެ ނޮވެމްބަރު މަހަށްވުރެ އިތުރުވެފައިވާއިރު، މިއަހަރުގެ ނޮވެމްބަރު މަހު 216 މިލިއަން ރުފިޔާގެ މުދާ ވަނީ އެކްސްޕޯޓް ކޮށްފައެވެ. މިދިޔަ އަހަރުގެ ނޮވެމްބަރު މަހު 165 މިލިއަން ރުފިޔާގެ މުދާ ރާއްޖެއިން އެކްސްޕޯޓު ކޮށްފައިވެއެވެ. މިއަހަރުުގެ ނޮވެމްބަރު މަހު އެކްސްޕޯޓްގެ ވިޔަފާރިން 32 އިންސައްތައިގެ ކުރިއެރުމެއް ވަނީ ލިބިފައެވެ.
މިއަހަރުގެ ނޮވެމްބަރު މަހު އެންމެ ގިނަ ޢަދަދަކަށް މުދާ އެކްސްޕޯޓް ކޮށްފައިވަނީ ތައިލެންޑަށެވެ.
އާމްދަނީލިބުނު މިންވަރާއި އެކްސްޕޯޓް މުދަލުގެ ކުރިއެރުން ލިބިފައި ވީ ނަމަވެސް، މިއަހަރުގެ ނޮވެމްބަރު މަހު އިމްޕޯޓު ވަނީ ދޭއް އިންސައްތަ ދަށްވެފައެވެ. މިދިޔަ އަހަރުގެ ނޮވެމްބަރު މަހު 4.4 ބިލިއަން ރުފިޔާގެ މުދާ ރާއްޖެއަށް އެތެރެކުރިއިރު، މިއަހަރު އެތެރެކުރީ 4.3 ބިލިއަން ރުފިޔާގެ މުދަލެވެ.
މިއަހަރުގެ ނޮވެމްބަރު މަހު ރާއްޖެއަށް އެންމެ ގިނައިން މުދާ އެތެރެކުރީ ޔޫއޭއީއާއި އިންޑިއާއާއި އޮމާނާއި ސިންގަޕޫރު އަދި ޗައިނާއިންނެވެ.
ޔޫއޭއީން 664 މިލިއަން ރުފިޔާގެ މުދާ އެތެރެކުރިއިރު، އިންޑިއާއިން 651 މިލިއަން ރުފިޔާގެ މުދާ، އޮމާނުން 513 މިލިއަން ރުފިޔާގެ މުދާ، ސިންގަޕޫރުން 421 މިލިއަން ރުފިޔާގެ މުދާ އަދި ޗައިނާއިން 420 މިލިއަން ރުފިޔާގެ މުދާ ވަނީ އެތެރެކޮށްފައެވެ.
ކަސްޓަމްސްގެ ތަފާސްހިސާބުތައް ދައްކާގޮތުގައި، މިއަހަރުގެ ނޮވެމްބަރު މަހު ރާއްޖެއިން ބޭރުން މުދާ ހިފައިގެން 131 އުޅަނދު އައިސްފައިވާއިރު، 139 އުޅަނދު ވަނީ މުދާ ހިފައިގެން ރާއްޖެއިން ފުރައިފައެވެ.
Advertisement
This content is created and paid for by advertisers and does not involve Voice Journalists
