ރާއްޖޭގެ ކުންފުޏެއް ކަމުގައިވާ ސީލް މޯލްޑިވްސް ޔޮޓް ސަޕޯޓް ޕްރައިވެޓް ލިމިޓެޑަށް ދޭން ޖެހޭ ފައިސާ ތަކެއް ނުދީގެން "ކަޓީނާ" ނަމަކަށް ކިޔާ ބޭރުގެ ޔޮޓެއް ރާއްޖެ އިން ފުރުން ސިވިލް ކޯޓުން ހުއްޓުވައިފިއެވެ.
ހިފަހައްޓާފައިވާ ޔޮޓަކީ މާޝަލް އައިލެންޑުގައި ރަޖިސްޓްރީ ކޮށްފައިވާ ޔޮޓެކެވެ.
މި އަމުރުގައި ވާގޮތުން އެ ކުންފުނީގެ އެޖެންޓު ކަމުގައި 2021 ވަނަ އަހަރު ޑިސެމްބަރު މަހު ރާއްޖެ އައިސް 2022 ވަނަ އަހަރުގެ މާޗް މަހުގެ ތެރޭގައި ފުރައިގެން ދިޔަ މުއްދަތުގައި، ފޯރުކޮށްދީފައިވާ ހިދުމަތްތަކަށާއި އެ ހިދުމަތްތަކަށް ފައިސާ ނުލިބުމުން ވީ ގެއްލުމަށް ސީލް މޯލްޑިވްސް ޔޮޓް ސަޕޯޓް ޕްރައިވެޓް ލިމިޓެޑަށް ދައްކަން ޖެހޭ 180،301.35 ޑޮލަރު ވަނީ ނުދައްކާ ކަމަށް އެ ކުންފުނިން ވަނީ ކޯޓުގައި ބުނެފައެވެ.
އެހެންކަމުން ސިވިލް ކޯޓުން މި ޔޮޓް ރާއްޖެއިން ފުރައިގެން ދާން އުޅޭ ނަމަ އެކަން ހުއްޓުވުމަށް ކަސްޓަމްސް އަށާއި ފުލުހުންގެ އިތުރުން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން ގެ މައްޗަށް ވަނީ އަމުރު ކޮށްފައެވެ.
Advertisement
This content is created and paid for by advertisers and does not involve Voice Journalists
