މި ހަފުތާ ބަންދުގައި ދައުލަތުގެ ވަޒީރުބޭފުޅުންނާއި ކުންފުނިތަކުގެ މަސްއޫލުވެރީން ހިމެނިވަޑައިގަންނަވާ ގޮތަށް ހުރިހައި ރަށަކަށް ރައްޔިތުންގެ އަރިހަށް ވަފުދުތައް ދަތުރުކުރާނެ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ ރޭ އޮތް ކަންގަތިކޮލި އެވޯޑް ގައި ވާހަކަފުޅު ދައްކަވަމުންނެވެ.
"އަޅުގަނޑު މަސައްކަތްކުރާނީ ރައްޔިތުންގެ އަޑު އަހައިގެން. ރައްޔިތުންނާ ގާތުން. އަޅުގަނޑު ރައްޔިތުންނާ ގިނަގިނައިން ބައްދަލުކުރާނަން. ހާލު އަހުވާލު ބަލާނަން. މި ސަރުކާރުގެ ވަޒީރުން ވެސް ކުންފުނިތަކުގެ ވެރީން ވެސް މި ގޮތަށް އަމަލު ކުރައްވާނެ! މި ގޮތުން ރައްޔިތުންގެ ހާލު ބެއްލެވުމަށް ޓަކައި މި ހަފުތާ ބަންދުގައި ރާއްޖޭގެ ހުރިހައި ރަށަކަށް، ދައުލަތުގެ ވަޒީރުބޭފުޅުންނާއި ކުންފުނިތަކުގެ މަސްއޫލުވެރީން ހިމެނިވަޑައިގަންނަވާ ގޮތަށް ރައްޔިތުންގެ އަރިހަށް ވަފުދުތައް ދަތުރުކުރާނެ."
ރައީސް ޑރ.މުއިއްޒު ވިދާޅުވިއެވެ.
މީގެ އިތުރުންވެސް އެމަނިކުފާނު ވިދާޅުވީ މަސައްކަތްކުރައްވާނީ ރައްޔިތުންގެ އަޑު އަހައިގެން ރައްޔިތުންނާ ގާތުން ކަމަށާއި ރައްޔިތުންނާ ގިނަގިނައިން ބައްދަލުކޮށް ހާލު އަހުވާލު ބައްލަވާނެ ކަމަށެވެ.
އެމަނިކުފާނުގެ ވަފުދުގެ އިތުރުން ރާއްޖޭގެ ރަށްރަށަށް ޚުދު ރައީސް ޑރ. މުއިއްޒުވެސް ދަތުރުކުރައްވާނެ ކަމަށާއި ރައްޔިތުންގެ އަސްކަނި ދަށުން ލިބޭ ހިޔަލަކީ ވަރަށް ވެސް ނިޔާމަ ހިޔަލެއްކަމުގައި އަބަދުވެސް ގަބޫލުކުރައްވާ ކަމަށް ވެސް ރައީސް ޑރ.މުއިއްޒު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
