ރާއްޖޭގެ ބޮޑު ބަޔަކަށް މޫސުން ގޯސް ވާނެ ކަމަށް ލަފާކޮށް ހުދު ސަމާލު ނެރެފިއެވެ.

މެޓް އޮފީހުން ހުދު ސަމާލު ނެރެފައިވަނީ ހއ. އަތޮޅުން ށ.އަތޮޅަށެވެ. މެޓް އޮފީހުން މި ހުދު ސަމާލު ނެރެފައިމިވަނީ އެސަރަހައްދަށް މިއަދުގެ 10:30 ފެށިގެން 16:00 އާއި ހަމައަށް ބޯކޮށްވާރޭވެހި ގުގުރާނެ ކަމަށް ލަފާކޮށްފައެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށްވެސް މެޓް އޮފީހުން ވަނީ ލަފާކޮށްފައެވެ.

ނ.އަތޮޅުން ފެށިގެން ގދ.އަތޮޅާއި ހަމައަށްވެސް މެޓް އޮފީހުން ވަނީ ހުދުސަމާލު ނެރެފައެވެ. އެސަރަހައްދަށް މިއަދުގެ 6:20 ފެށިގެން 12:00 އާއި ހަމައަށް ބޯކޮށް ވާރޭ ވެހި ގުގުރުމާއި އެކު ގަޑިއަކު 40 މޭލަށް ވައިގަދަ ވާނެ ކަމަށްވެސް މެޓް އޮފީހުން ވަނީ ބުނެފައެވެ.

Advertisement

ވިއްސާރަވެ ވައިގަދަވާ ދުވަސްވަރު ކަނޑު ދަތުރު ފަތުރު ކުރުމުގައި ސަމާލުވުމަށް ކަމާއި ބެހޭ ފަރާތްތަކުން އަބަދުވެސް އިރުޗާދު ދެއެވެ. ވައިގަދަވެ ކަނޑުތައް ގަދަވާނަމަ ދަތުރަށް ފެށުމުގެ ކުރިން ސަލާމަތީ ހުރިހާ ވަސީލަތެއް ހަމަތޯ ބެލުމަކީ ދަތުރުކުރާ އެންމެންގެ ސަލާމަތަށް ޓަކައި އެޅިދާނެ ރަނގަޅު ފިޔަވަޅެެކެވެ.