Advertisement
ނަައިބުރައީސް އިސްލާމީ ވުޒާރާގެ އިސްވެރިންނާއި ބައްދަލުކުރައްވައިފި!
ނައިބުރައީސް ހުސެއިން މުޙައްމަދު ލަތީފް އިސްލާމީ ކަންކަމާއި ބެހޭ ވުޒާރާގެ އިސްވެރިންނާއި ބައްދަލުކުރައްވައިފިއެވެ.
ސަރުކާރުގެ ވުޒާރާއަކަށް ނައިބް ރައީސް ކުރެއްވި މިއީ ފުރަތަމަ ޒިޔާރަތެވެ.
ނައިބުރައީސް ޙުސައިން ވަނީ ވުޒާރާގެ މުވައްޒަފުންނާއި ބައްދަލުކުރައްވާ ވާހަކަފުޅު ދައްކަވައިފައެވެ.
Advertisement
އެމަނިކުފާނުގެ ވާހަކަފުޅުގައި، އެ ވުޒާރާގެ މަސައްކަތްތައް ކުރިއަށްދާ ގޮތާއިމެދު ހިތްހަމަޖެހުން ފާޅުކުރައްވާ މުވައްޒަފުންނަށް ވަނީ ހިއްވަރުދެއްވައިފައެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މެނިފެސްޓޯ ތަންފީޒުކުރެއްވުމަށް ހުރިހާ މުވައްޒަފުންގެ އެއްބާރުލުން ބޭނުންވާނެ ކަމަށް އެމަނިކުފާނު ވަނީ ވިދާޅުވެފައެވެ.
މިބައްދަލުވުމުގައި، އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވަނީ ވޭތުވެދިޔަ ހަތަރު ހަފްތާގައި މި ވުޒާރާގެ މަސައްކަތްތައް ކުރިއަށްދިޔަ ގޮތުގެ ކުރު ތަފްސީލެއް ނައިބު ރައީސް އަށް ދެއްވައިފައެވެ.
އަދި ރައީސް ޑރ މުޢިއްޒުގެ ފަރާތްޕުޅުން ލިބިލައްވާ އެއްބާރުލުން ފާހަގަކުރައްވާ ވަޒީރު ޑރ. ޝަހީމް ވަނީ އެމަނިކުފާނަށް ޝުކުރު އަދާކުރައްވައިފައެވެ. ނައިބު ރައީސް، ޙުސައިން ވަނީ އިސްލާމީ ކަންތައްތަކާ ބެހޭ ވުޒާރާގެ ސިޔާސީ ބޭފުޅުންނާއިވެސް ވަކިން ބައްދަލުކުރައްވައިފައެވެ. އަދި ތަނުގެ މަސައްކަތްތައް ކުރިއަށްދާގޮތް ވަނީ ބައްލަވައިލައްވައިފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
