އުރީދޫ ފަން ރަން ފަދަ އިޖުތިމާޢީ ހަރަކާތް ތަކަކީ، އޭގެ ސަބަބުން ރައްޔިތުންނަށް ވަރަށް ބޮޑަށް ހިތްހަމަޖެހުން ގެނުވާދޭ ހަރަކާތްތަކެއް ކަމަށް ރައީސުލްޖުމުހޫރިއްޔާގެ ނާއިބު، ހުސައިން މުހައްމަދު ލަތީފް ވިދާޅުވެއްޖެއެވެ. 

މިއަދު ބޭއްވުނު އުރީދޫ ފަން ރަންގައި ޚާއްސަ މެހެމާނެއްގެ ގޮތުން ބައިވެރިވެ ވަޑައިގެންނެވި، ނާއިބު ރައީސް، ފަން ރަން އަށްފަހު ދެއްވި ޚާއްސަ ބަސްދީގަތުމެއްގައި އެމަނިކުފާނުވަނީ، އެ ދުވުމަށް ދައުވަތު އެރުވި ކަމަށްޓަކައި އުރީދޫއަށް ޚާއްސަ ޝުކުރެއް އަދާކުރައްވާފައެވެ. 

ނާއިބު ރައީސް ވިދާޅުވީ، އިޖުތިމާޢީ ގޮތުން ހިންގޭ އެފަދަ ހަރަކާތްތަކަށް ރައީސުލްޖުމުހޫރިއްޔާ ޑރ މުހައްމަދު މުޢިއްޒުގެ ސަރުކާރުން ވަރަށް ބޮޑަށް އެއްބާރުލުން ދެއްވާނެ ކަމަށެވެ. 

އަދި އެ ދުވުމުގައި ބައިވެރިވެވަޑައިގެންނެވުމުން ވަރަށް ބޮޑު ހިތްހަމަ ޖެހުމެއް ލިބިވަޑައިގެންނެވިކަންވެސް އެމަނިކުފާނު ފާހަގަކުރެއްވިއެވެ. 

މިއާއެކު ނާއިބު ރައީސް ވިދާޅުވީ، އުރީދޫ ފަން ރަން އިތުރަށް ފުޅާވެގެން ދިޔުމަކީ އެމަނިކުފާނުގެ އުއްމީދެއް ކަމަށާށ އެކަމަށްޓަކައި ސަރުކާރުން ދޭންޖެހޭ އެއްބާރުލުން ދެއްވާނެ ކަމަށެވެ.