ޣައްޒާއަށް ބޭނުންވާ އިންސާނީ އެހީ ފޯރުކޮށްދިނުމާއި ބެހޭގޮތުން އދ އިން މިއަދު ފާސްކުރި ގަރާރަށް އެންމެ އެކަށޭނަގޮތުގައި ޢަމަލުކުރުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ގޮވާލައްވައިފިއެވެ.

އެމަނިކުފާނު މިފަދައިން ގޮވާލެއްވީ އެކްސްގައި މިއަދު ކުރެއްވި ޕޯސްޓެއްގަައެވެ.

އދ ގެ އެ ގަރާރުގެ މައްޗަށް ބިނާކޮށް އެމަނިކުފާނު ވަނީ ހުރިހާ ޢަދާވާތްތެރިކަމެއް ވަގުތުން ނިމުމަކަށް ގެނައުމަށް ޓަކައި ހަރުދަނާ ފިޔަވަޅުތައް އެޅުމަށް ބައިނަލްއަޤްވާމީ މުޖުތަމަޢަށް ގޮވާލައްވާފައެވެ.

Advertisement

މީގެ އިތުރުން ރައީސް ޑރ.މުއިއްޒު ވިދާޅުވީ އ.ދ. ގެ ސެކިއުރިޓީ ކައުންސިލުން ޣައްޒާގެ ރައްޔިތުންނަށް އިތުރު އިންސާނީ އެހީތެރިކަން ފޯރުކޮށްދިނުމަށް ބަލައިގަތުމަށް ނިންމެވި ގަރާރަކީ ރަނގަޅު މިސްރާބަށް ދިއުމަށް ޓަކައި ނެންގެވި މުހިންމު ފިޔަވަޅެއް ކަމަށާއި މި ނިންމެވުން ނިންމެވި ކަމުގައިވިޔަސް ވައިގެ ހަމަލާތަކުގެ ތެރެއިން އެކަށީގެންވާ ގޮތުގައި އެހީތެރިކަން ފޯރުކޮށްނުދެވޭނެ ކަމަށެވެ.

މި ޤަރާރާ އެކު ރައީސް ޑރ. މުއިއްޒު ވަނީ ހަމަލާތައް ވަގުތުން ވަގުތައް ހުއްޓާލުމަށް ގޮވާލައްވާފައެވެ.