ރަތް ކަނޑުގައި ޙޫޘީން ދެމުންގެންދާ ހަމަލަތަކުގައި އީރާނުގެ ބައިވެރިވުންވާކަމަށް އެމެރިކާއިން ތުހުމަތުކޮށްފިއެވެ.

ރަތް ކަނޑުގައި ދަތުރުކުރަމުންދާ ވިޔަފާރި ބޯޓުތަކަށް ޙޫޘީން ހަމަލަދެމުންދާއިރު، އިސްރާއީލާ ގުޅިފައިވާ އެހެން ވިޔަފާރި އުޅަނދެއް ވެސް މި ހަމަލަތަކުގެ އަމާޒަކަށްވެފައިވާ ކަމަށް ރިޕޯޓްތައް ބުނެއެވެ.

ޙޫޘީންނަށް އީރާނުން ތާއީދުކުރުމުގެ ގޮތުން ހަތިޔާރާއި ޓެކްޓިކަލް އިންޓެލިޖެންސްގެ އެހީދޭކަމަށް އެމެރިކާގެ ވައިޓް ހައުސްއިން ހުކުރު ދުވަހު ބުނެފައިވަނީ ހަމަލާތަކުގައި އީރާނުގެ ބައިވެރިވުން ދައްކާ ކަމަށް ބުނެ ކްލެސިފައިޑް އިންޓެލިޖެންސް ހުށަހަޅައިގެންނެވެ.

Advertisement

އެހެންނަމަވެސް އީރާނުން ވަނީ މި ތުހުމަތުތައް ތަކުރާރުކޮށް ދޮގުކޮށްފައެވެ.

ވައިޓް ހައުސް އިން ބުނީ ވިޝުއަލް އެނަލިސިސް އިން ދައްކާ ގޮތުގައި އީރާނުގެ ކޭއޭއެސް-04 ޑްރޯންތަކާއި ޙޫޘީން ބޭނުންކުރާ އުޅަނދުތަކުގެ އިތުރުން ޙޫޘީންގެ މިސައިލްތަކުގައި އީރާނުގެ މިސައިލްތަކާއި އެއްގޮތް ސިފަތަކެއް ހުރި ކަމަށެވެ.

އެހެންނަމަވެސް ޙޫޘީން ބުނީ މިއީ އެމީހުން އަމިއްލަ އަށް އަމިއްލަ އީޖާދެއް ކަމަށެވެ.

ޙޫޘީންގެ ޖަމާޢަތުން އަންނަނީ ޑްރޯންތަކާއި މިސައިލްތައް ބޭނުންކޮށްގެން އަނިޔާވެރި އިސްރާއީލަށް ހަމަލާތައް އަމާޒު ކުރަމުންނެވެ. މިގޮތުން މިދިޔަ މަހު ރަތް ކަނޑުގައި އިސްރާއީލާ ގުޅިފައިވާ ވެހިކަލް ޓްރާންސްޕޯޓް ބޯޓެއް ޙޫޘީން ވަނީ އަތުލައިގެންފަ އެވެ.