ނޭޝަނަލް ކައުންޓަރ ޓެރަރިޒަމް ސެންޓަރުގެ ޑިރެކްޓަރ ޖެނެރަލަކަށް މޭޖަރ ޖެނެރަލް ރިޓަޔާޑް ވައިސް ވަޙީދު ހަމަޖައްސަވައިފިއެވެ.
34 އަހަރު ދުވަހު ސިފައިންގޭގައި ޚިދްމަތް ކުރެއްވުމަށްފަހު ވައިސް ސިފައިންގެ ޚިދްމަތުން ޝަރަފުވެރިކަމާއެކު ވަކިވެވަޑައިގެންފައިވަނީ މި މަހުގެ 12 ވަނަ ދުވަހު އެވެ.
ވައިސް ވަޙީދު އެންސީޓީސީގެ އެންމެ އިސްވެރިޔާގެ މަގާމަށް ހަމަޖެއްސެވި ވަކި ދުވަހެއް ސަރުކާރުން ހާމައެއް ނުކުރެއެވެ. ވައިސް ވަހީދުގެ ކުރިން އެ މަގާމުގައި ހުންނެވީ ބްރިގޭޑިއާ ޖެނެރަލް ރިޓަޔަޑް ޒަކަރިއްޔާ މަންސޫރު އެވެ.
ރައީސް ޑރ. މުޙައްމަދު މުޢިއްޒުގެ ސަރުކާރު ފެށުމާއެކު މަންސޫރު ވަނީ އެ މަގާމުން ވަކިކުރައްވާފައެވެ.
މޭޖަރ ޖެނެރަލް ވައިސް ވަހީދުގެ އިތުރުން މޭޖަރ ޖެނެރަލް ޖެނެރަލް ޙާމިދު ޝަފީޤް ވެސް ވަނީ މި މަހުގެ 12 ވަނަ ދުވަހު ސިފައިންގެ ހިދުމަތުން ޝަރަފުވެރިކަމާ އެކު ވަކިވެވަޑައިގެންފައެވެ. ހާމިދަށް ދެއްވައިފައިވަނީ ރައީސް އޮފީހުގެ ނޭޝަނަލް ސެކިއުރިޓީއާ ބެހޭ ޑެޕިއުޓީ އެޑްވައިޒަރުގެ މަގާމެވެ. އެ މަގާމަށް ޙަމީދު އައްޔަން ކުރެއްވީ ނާއިބު މިނިސްޓަރެއްގެ ފެންވަރުގައެވެ.
Advertisement
This content is created and paid for by advertisers and does not involve Voice Journalists
