މާލެ އަތޮޅު ރައީސްގެ މަގާމުން މުހައްމަދު ނިމާލް އިސްތިއުފާ ދެއްވައިފިއެވެ.
ޕީއެންސީގެ ނައިބު ރައީސްގެ މަގާމުވެސް ފުރުއްވާ ނިމާލް ގެ އިސްތިއުފާގެ ސިޓީގައި ބުނެފައި ވަނީ ދިރިއުޅުމުގެ ކަންކަން ހުރި ގޮތުން ރަށުން ބޭރުގައި ވަޒީފާ ބއަދާކުރުމަށް ހާލަތު ތަން ނުދޭތީ މިއަދު ގެ 15:00 ފެށިގެން އޭނާ މާލެ އަތޮޅުގެ ރައީސް ގެ މަގާމުން އިސްތިއުފާ ދެއްވާ ކަމަށެވެ.
އޭނާ މަގާމުން އިސްތިއުފާ ދެއްވާ ފޮނުއްވި ސިޓީގައި ރައްޔިތުންނަށް މެސެޖެއްވެސް ވަނީ ހިއްސާ ކުރައްވާފައެވެ.
"މާލެ އަތޮޅުގެ ރައްޔިތުންނަކީ ތަރައްޤީއަށް ބޭނުންވާ ގިނަ ގުނަ ކާމިޔާބީ ތައް އެކި އެކި ދާއިރާތަކުން ހާސިލް ކުރަން ބޭނުންވާ ވަރަށް ބަސްއަހާ ރައްޔިތުންތަކެއް ދިރިއުޅެމުންދާ އަތޮޅެއްގެ ގޮތުގައި އަޅުގަނޑަށް ވަނީ ފާހަގަ ކުރެވިފައެވެ. "
ނިމާލް ގެ ސިޓީގައި ވިދާޅުވެފައި ވެއެވެ.
މީގެ އިތުރުންވެސް ނިމާލް ވިދާޅުވީ " ދިވެހީންގެ ރާއްޖެ " ގެ ތަސައްވުރުގެ ތަރައްޤީ ދިވެހި ރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޒައާމަތުގެ ދަށުގައި މުޅި މާލެ އަތޮޅަށް އަންނާނެ ކަމުގެ ފުރިހަމަ ޔަޤީންކަން އޮތުމަކީ ލިބޭ އެންމެ ބޮޑު ހިތް ހަމަޖެހުން ކަމަށެވެ.
އެ މަގާމަށް އޭނާ ހޮއްވަވައިދެއްވީތީ ނިމާލް ވަނީ ރައްޔިތުންނަށް ވެސް ވަނީ ޝުކުރު އަދާކުރައްވައިފައެވެ. މީގެ އިތުރުންވެސް އެ ކައުންސިލްގެ މެންބަރުންނަށާއި އިދާރާގެ މުވައްޒަފުންނަށް ވެސް ވަނީ ޝުކުރު އަދާކުރައްވައިފައެވެ.
ކުރީގެ ރައީސް އަބްދުالله ޔާމީންގެ ވެރިކަމުގައި ފެނަކަ ކޯޕަރޭޝަންގެ މެނޭޖިން ޑިރެކްޓަރުކަން ކުރެއްވި ނިމާލްއަކީ ޕީޕީއެމް، ޕީއެންސީގެ ލީޑާޝިޕްގައި ހިމެނިވަޑައިގަންނަވާ ބޭފުޅެއްކަން ފާހަގަ ކޮށްލެވެއެވެ.
Advertisement
This content is created and paid for by advertisers and does not involve Voice Journalists
