ސާނަވީ އަދި މަތީ ސާނަވީ ތަޢުލީމު ފުރިހަމަކޮށްފައިވާ ދަރިވަރުންނަށް އިމާމުވެ ހުކުރުކޮށް ޚުޠުބާ ކިޔުމުގެ ހުއްދަ ދޭން ނިންމާ ކުރި އިޢުލާނަށް ބޮޑު ތަރުޙީބެއް ލިބިފައިވާ ކަމަށް އިސްލާމީ ކަންކަމާއި ބެހޭ ވުޒަރާއިން ބުނެފިއެވެ.
އެގޮތުން ޒުވާން އިމާމުންނާއި ޚަޠީބުންނަށް ފުރުޞަތު ފަހިކޮށްދިނުމުގެ ގޮތުން ގްރޭޑް 10، 11، 12 ނިންމާފައިވާ ރީތިކޮށް ޤުރުއާން ކިޔަވާ، ނަމާދުގެ ފިޤުހަށް އަހުލުވެރި ޒުވާނުންނަށް، އިމާމުވެ ހުކުރުކޮށް ޚުޠުބާކިޔުމުގެ ހުއްދަ ދޭން ނިންމާ ކުރި އިއުލާނަށް މިހާތަނަށް 70 ފަރާތަކުން ފޯމު ހުށަހަޅާފައިވާ ކަމަށެވެ.
އަދި މި އިއުލާނާއި ގުޅޭގޮތުން ގިނަ ފަރާތްތަކުން ގުޅާ މައުލޫމާތު ސާފުކޮށް ފޯމު ހުށަހެޅުމުގެ ޝައުގުވެރިކަން ފާޅުކުރަމުންދާ ކަމަށް ވެސް އެވުޒާރާއިން ވަނީ ބުނެފައެވެ.
މުޅި ރާއްޖެއަށް ހުޅުވާލާފައިވާ މި ފުރުސަތުގައި ޝަޢުޤުވެރިވާ ދަރިވަރުންނަށް ބައިވެރިވޭނޭ ގޮތަށް އިސްލާމީކަންތައްތަކާއި ބެހޭ ވުޒާރާއިން ހުޅުވާލާފައިވާ ކަމަށާއި، މިއީ ރާއްޖޭގެ ގިނަ ރަށްތަކެއްގައި ޚަޠީބުންނާއި، އިމާމުން ލިބުމުގެ ދަތިކަމަށް ޙައްލެއް ލިބިގެންދާނެކަމެއްމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ދެކިވަޑައިގަންނަވާ ކަމަށް ވެސް އެ ވުޒާރާއިން ބުނެއެވެ.
Advertisement
This content is created and paid for by advertisers and does not involve Voice Journalists
