ރައީސް ޑރ.މުއިއްޒު ވެރިކަމާ ހަވާލުވެވަޑައިގެން ސަރުކާރުގެ އޮނިގަނޑަށް ގެންނެވި ބަދަލާއި އެކު ޔޫތާއި ސްޕޯޓްސް މިނިސްޓްރީ ވަކި ކޮށް ސާމާނު ބަދަލުކުރި އިރު، ބައެއް ތަކެތި ގެއްލުން މައްސަލަ ބަލަން ފަށައިފިއެވެ.

މިނިސްޓްރީ އޮފް އެމްޕަވާމެންޓް، އިންފޯމޭޝަން އެންޑް އާޓްސް އިން ނެރުނު ނޫސް ބަޔާނެއްގައި ބުނީ މިނިސްޓްރީ އޮފް ސްޕޯޓްސް އެންޑް ރެކްރިއޭޝަންގެ ބައެއް ތަކެތި ދެ ވުޒާރާ ބަދަލުވިިރު ގެއްލިފައިވާކަން އެ ވުޒާރާގެ ސަމާލުކަމަށް އައިސްފައި ވާކަމަށާއި އެކަން ހިންގި ގޮތް ބެލުމަށް އިންޓާނަލް އިންވެސްޓިގޭޝަނެއް މިހާރު ފަށާފައިވާ ކަމަށެވެ.

ކުރިން އެއްކޮށް ހިންގަމުން އައި ޔޫތު އެންޑް ސްޕޯޓްސް، ކޮމިއުނިޓީ އެމްޕަވާމަންޓްގެ ބަދަލުގައި މި ސަރުކާރުން ޔޫތު މިނިސްޓްރީ ބަދަލުކުރީ ޔޫތު އެމްޕަވަމަންޓް، އިންފޮމޭޝަން އެންޑް އާޓްސް މިނިސްޓްރީގެ ނަމަށެވެ. އަދި ސްޕޯޓްސް މިނިސްޓްރީ ބަދަލުކުރީ ސްޕޯޓްސް، ފިޓްނަސް އެންޑް ރެކްރިއޭޝަންގެ ނަމަށެވެ.

Advertisement

މި ގެނައި ބަދަލާއި އެކު ޔޫތު އެމްޕަވަމަންޓް، އިންފޮމޭޝަން އެންޑް އާޓްސް ގެ ދަށަށް ނޭޝަނަލް ސެންޓަ ފޯ ދި އާޓްސް، ނޭޝަނަލް ލައިބްރަރީ، ނޭޝަނަލް ބިއުރޯ އޮފް ކްލާސިފިކޭޝަން، ނޭޝަނަލް އާކައިވްސް ގެ އިތުރުން މީޑިއާ ރަޖިސްޓްރީ ކުރުމުގެ ބައި ވަނީ ބަދަލުކޮށްފައެވެ.

މި ބަދަލާއި އެކު ދެ ވުޒާރާގެ ދަށަށް އަންނަން ޖެހޭ މުއައްޒަފުންނާއި ތަކެތި ބަދަލު ކޮށްފައިވަނީ މި ދެވުޒާރާ އިސްކޮށް ތިބެއެވެ. އެގޮތުން ސްޕޯޓްސް މިނިސްޓްރީގެ ބައެއް މުއައްޒަފުންނާއި ބައެއް ތަކެތި ޔޫތު މިނިސްޓްރީގެ ދަށަށް ބަދަލު ކުރިކަމަށް އެ މިނިސްޓްރީން ބުނެއެވެ. މި ކަމުގައި އެއްވެސް ސިޔާސީ މުއައްޒަފެއްގެ ބައިވެރިވުން ނުވާނެ ކަމަށްވެސް ޔޫތު މިނިސްޓްރީގެ ބަޔާނުގައި ބުނެފައިވެއެވެ.