މޯލްޑިވްސް ނެޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީސް (މަސީ)ގެ 'ބިލްޑާ އެވޯޑްސް'ގައި 'ސިމެންޓް ސަޕްލަޔާ އޮފް ދި އިޔާ' އެވޯޑު ވިލާ ހަކަތައަށް ލިބިއްޖެ އެވެ.

ރޭ ހޮޓެލް ޖެންގައި ބޭއްވި އެ އެވޯޑު ހަފްލާގައި ވިލާ ހަކަތައިގެ ފަރާތުން އެވޯޑާ ހަވާލުވެވަޑައިގަތީ އެ ކުންފުނީގެ ޑިރެކްޓާ އޮފް ސޭލްސް ބާސިލް ނަފީސް އެވެ.

މިކަމާއި ގުޅޭގޮތުން ވިލާ ހަކަތައިން ބުނީ، ފާއިތުވެދިޔަ ފަސް އަހަރުގައިވެސް އެންމެ ރަނގަޅު ސިމެންތި ފޯރުކޮށްދިނުމުގައި ދެމި އޮތީ ވިލާ ހަކަތަ ކަމަށެވެ. އަދި ސިމެންތި ފޯރުކޮށްދިނުމުގައި މާކެޓް ލީޑާގެ ގޮތުގައި ވިލާ ހަކަތަ އޮތް އިރު، މި އެވޯޑް ލިބިގެން ދިޔައީވެސް އެ ސަބަބުތަކާއި ހުރެކަން ފާހަގަކޮށްފައިވެއެވެ. 

ވިލާ ހަކަތައިގެ އުފެއްދުމެއް ކަމުގައިވާ ވިލާ ސިމެންތި އުފެއްދުމަށް ކ. ތިލަފުށީގައި ހިންގާ ސިމެންތި ކާރުޚާނާއަކީ ރާއްޖޭގައި ހުރި އެންމެ ބޮޑު އަދި އެންމެ އަވަހަށް ސިމެންތި ބަންދުކުރާ ކާރުޚާނާ އެވެ.

ފާއިތުވެ ދިޔަ އަހަރުތަކުގައި ސިމެންތީގެ ޕެކިން ކެޕޭސިޓީ ވެސް އިތުރުކޮށް، ވިލާ ސިމެންތި ކާރުޚާނާގައި 50 ކިލޯގެ ބަސްތާގެ އިތުރުން މިހާރު އެއް ޓަނުގެ ޖަމްބޯ ބޭގް ވެސް މިހާރު ލިބެން ހުރެއެވެ. 

އެންމެ ޒަމާނީ މެޝިނަރީއެކު، ތިލަފުށީގައި ހުންނަ އޮޓޮމޭޓެޑް ކާރުޚާނާގައި އެއްފަހަރާ ގިނަ އަދަދެއްގެ ސިމެންތި، މޮޅު ކޮލިޓީގައި ބަންދުކުރުމުގެ ގާބިލްކަން ވިލާ ހަކަތައް ލިބިފައިވާ ކަމަށް އެ ކުންފުނިން ބުނެއެވެ. ނަތީޖާއެއްގެ ގޮތުން ދިވެހިރާއްޖޭގައި ހިންގުނު އެންމެ ބިޔަ މަޝްރޫއު ތަކަށް ވިލާ ސިމެންތި ވަނީ ބޭނުންކޮށްފައެވެ. 

ވިލާ ހަކަތައިން ބުނާ ގޮތުގައި އެ ކުންފުނިން މަސައްކަތް ކުރަނީ އިމާރާތްތަކުގެ އުމުރު ދިގުކޮށްދޭ ފަދަ މޮޅު ކޮލެޓީގެ ސިމެންތި ކަސްޓަމަރުންނަށް ފޯރުކޮށްދިނުމެވެ. އެކަން ކަށަވަރު ކުރުމަށް އެ ކުންފުނިން 'ލޫސް ސިމެންތި' އެތެރެކޮށް، އެ ކުންފުނީގެ ސިމެންޓް ސްޓޯރޭޖް ސައިލޯ ފެސިލިތީގައި ރައްކާ ކުރެ އެވެ. އަދި ކޮލެޓީ ދެމެހެއްޓުމަށްޓަކައި ސިމެންތި ބަންދުކުރަނީ ޑެލިވާ ކުރަން ތައްޔާރުވުމުންނެވެ.

ވިލާ ހަކަތައަކީ ސިމެންތީގެ އިތުރުން ލިކުއިޑް ޕެޓްރޯލިއަމް ގޭސް (އެލްޕީޖީ)، ތެޔޮ، ޝެލް ލުބްރިކެންޓްސް، ކޮންސްޓްރަކްޝަން މެޓީރިއަލްސް އަދި އެ ނޫނަސް އިތުރު އިންޑަސްޓްރިލް މުދާ ވިއްކާ ކުންފުންޏެކެވެ.