ކުރީގެ ރައީސް އަލްއުސްތާޛު މައުމޫން ޢަބްދުލްޤައްޔޫމް (ނ.ޣ.ޢ.ވ.)، ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު ގެ އަރިހަށްގޮސް ބައެއްކަންކަމާ މަޝްވަރާ ކޮށްލުމުގެ ފުރުޞަތު ދެއްވިކަމަށްޓަކައި އެމަނިކުފާނަށް ޝުކުރު އަދާ ކުރައްވައިފިއެވެ.
މިފަދައިން ރައީސް މައުމޫން ވިދާޅުވީ އެމަނިކުފާނު ކުރެއްވި ޓްވީޓެއްގައެވެ. މި ޓްވީޓާއި އެކު އެމަނިކުފާނު ވަނީ މި ބައްދަލުވުމުގެ ފޮޓޯއެއް ވެސް ހިއްސާ ކުރައްވާފައެވެ.
"ޢިއްޒަތްތެރި ރައީސުލް ޖުމްހޫރިއްޔާ މުޙައްމަދު މުޢިއްޒުގެ އަރިހަށްގޮސް ބައެއްކަންކަމާ މަޝްވަރާ ކޮށްލުމުގެ ފުރުޞަތު ދެއްވިކަމަށްޓަކާ އެމަނިކުފާނަށް ނުހަނު އިޚްލާޞްތެރި ކަމާއެކު ޝުކުރު ދަންނަވަން."
ރައީސް މައުމޫން ވިދާޅުވިއެވެ.
ރައީސް ޑރ.މުޢިއްޒާއި ކުރީގެ ރައީސް މައުމޫން ގެ ބައްދަލުކުރެއްވުން އޮތީ މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.
މި ބައްދަލުކުރެއްވުމުގައި ޤައުމުގެ އިޖުތިމާޢީ އަދި ސިޔާސީ ކަންކަމާ ގުޅޭގޮތުން މަޝްވަރާ ކުރެއްވުމުގެ އިތުރުން، ތަރައްޤީގެ އެކިއެކި މަޝްރޫޢުތަކާއި ޤައުމާއި ރައްޔިތުންގެ ލާބައަށް ކުރެވޭ އެހެން މަސައްކަތްތަކާ ގުޅޭގޮތުން ވެސް ދެބޭފުޅުން ވަނީ މަޝްވަރާ ކުރައްވާފައެވެ.
Advertisement
This content is created and paid for by advertisers and does not involve Voice Journalists
