ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ކުރީގެ ރައީސް ޑރ. މުހައްމަދު ވަހީދު ހަސަން މަނިކާއި މިއަދު ބައްދަލު ކުރައްވައިފިއެވެ.
މި ބައްދަލުކުރެއްވުން ކުރިއަށް ގޮސްފައިވަނީ ރައީސުލް ޖުމްހޫރިއްޔާގެ އޮފީހުގައެވެ.
މި ދެ ބޭފުޅުންގ ބައްދަލުކުރެއްވުމުގައިވަނީ، ޤައުމުގެ އިޖުތިމާޢީ އަދި ސިޔާސީ ކަންކަމާ ގުޅޭގޮތުން މަޝްވަރާ ކުރައްވައިފައެވެ.
މި ބައްދަލުވުމާއި ގުޅޭ އިތުރު ތަފްސީލެއް ރައިސް އޮފީހުންވެސް އަދި ޑރ ވަހީދުގެ ފަރާތްޕުޅުންވެސް އަދި ހާމަކުރައްވައިފައެއް ނުވެއެވެ.
މި ފާއިތުވި ރިޔާސީ އިންތިޚާބުގެ ކުރިން ރައީސް ޑރ ވަހީދު ހުންނެވީ ޕީޕީއެމްގެ މެމްބަރެއްގެ ގޮތުގައެވެ. އެހެން ނަަމަވެސް ޕީޕީއެމް/ޕީއެންސީ ކޮންގްރެސް ގެ ރިޔާސީ ޓިކެޓާއި މެދު އުފެދުނު ޚިޔާލުތަފާތުވުން ތަކާއެކު ރައީސް ވަހީދު ވަނީ ޕީޕީއެމާއި ވަކިވެ ވަޑައިގެން ޖުމްހޫރީ ޕާޓީއާއި ގުޅި ވަޑައިގެންފައެވެ.
މި ފާއިތުވި ހަފްތާގައި ސިޔާސީ ގިނަ ލީޑަރުންތަކެއް ވަނީ ރައީސް ޑރ މުއިއްޒާއި ބައްދަލުކުރައްވައި މަޝްވަރާތައް ކުރިއަށް ގެންދަވާފައެވެ.
Advertisement
This content is created and paid for by advertisers and does not involve Voice Journalists
