2016 ވަނަ އަހަރު ރާއްޖެއިން މުޅިން އެއްކޮށް ނައްތާލެވިފައިވަނިކޮށް އަނއްކާ އަލުން ފެނިފައިވާ ފައިލޭރިޔާ ބަލިންގެ ރައްކާތެރިވުމަށްޓަކައި އަރބަންކޯގެ ފަރާތުން ހުޅުމާލެ ފޮގް ކުރުމުގެ މަސައްކަތް ފަށައިފިއެވެ. 

އެ ކުންފުނިން ބުނީ ސަރުކާރުން އިސްނަގައިގެން ކުރިއަށް ގެންދާ ހާއްސަ ކެމްޕެއިން "#ފައިލޭރިއާއިންރައްކާ" ކެމްޕެއިންގެ ދަށުން ހުޅުމާލޭގެ ސަރަހައްދުތައް ފޮގް ކުރުމުގެ މަސައްކަތް ފަށައިފައިވާކަމަށެވެ. 

އެގޮތުން މި ޕްރޮގްރާމްގެ ދަށުން 20 ސަރަހައްދަކަށް ބަހާލައިގެން ކޮންމެ ދުވަހަކު ވަކި ސަރަހައްދުތަކަކަށް ފޮގް ކުރުމުގެ މަސައްކަތް ކުރިއަށްދާނެކަމަށް އެ ކުންފުނިން ބުނެއެވެ. ފޮގް ކުރުމަށް ހަމަ ޖެހިފައިވަނީ މި ދުވަސްތަކުގެ ފަތިހު 5ން 6ށް  އަދި އިރުއޮއްސި 6ން 7ށް ފޮގް ކުރުން ކުރިއަށްދާނެ ކަމުގައި އަނބަންކޯއިން ބުނެއެވެ. 

Advertisement

މީގެ އިތުރުން ފޮގް ކުރުން ކުރިއަށްދަ ވަގުތުތަކުގައި މަގުމަތީގައި އުޅޭ ފަރާތްތަކުން މިކަމަށް ސަމާލުވުމަށް އިލްތިމާސް ކުރެއެވެ. 

ހުޅުމާލެއިން މަދިރި މަދުކުރުމަށް މީގެ ކުރިން ވެސް އާބަންކޯއިން އިސްނަގައިގެން ތަފާތުހަރަކާތްތައް ކުރިއަށް ގެންގޮސްފައި ވެއެވެ. މިގޮތުން އެކި ސަރަހައްދު ފޮގް ކުރުމާއި، މަދިރިއާލާވާ ފަދަ ތަންތަން ނައްތާލުމަށް މަސައްކަތް ކުރުން ހިމެނެއެވެ. މީގެއިތުރުން ފައިލޭރިޔާ ފެތުރުން ހުއްޓުވުމަށް އާބަންކޯއިން ހާއްސަ އިސްކަމެއް ދީގެން އަންނަނީ ގިނަ މަސައްކަތްތަކެއް ކުރަމުންނެވެ. އޭގެ ތެރޭގައި ހިމެނޭ، ހުޅުމާލޭގައި ދިރިއުޅޭ ފަރާތްތައް ސްކްރީން ކުރުން އެޗްޕީއޭ އާ ގުޅިގެން ވަނީ މިމަހުގެ ތެރޭގައި ފަށާފައެވެ.