ގުޅިފަޅު ހިއްކުމުގެ މަސައްކަތް ތާވަލާއި އެއްގޮތަށް ހުއްޓުމެއްނެތި ކުރިއަށްދާ ކަމަށް އިމާރާތް ކުރުމާއި ބިނާރާ ބެހޭ ވުޒާރާގެ ވަޒީރު އަބްދުالله މުއްޠަލިބު ވިދާޅުވެއްޖެެއެވެ. 

ގުޅިފަޅު މަޝްރޫޢު ކުރިއަށްދާ ގޮތުގައި އަދާހަމަ ހާމަކުރައްވައި މިނިސްޓަރު މުއްތޮލިބު މިއަދު ކުރެއްވި ޓްވީޓެއްގައި ވިދާޅުވީ، ގުޅީފަޅުން ހިއްކަން ނިންމާފައިވާ 150 ހެކްޓަރުގެ ތެރެއިން 90 ހެކްޓަރު ހިއްކުމުގެ މަސައްކަތް ނިމިފައިވާ ކަމަށެވެ. 

އަދި ސަރުކާރުގެ އަމާޒަކީ ވޭހާވެސް އަވަހަށް އެތަން ހިއްކުމުގެ މަސައްކަތް ނިންމައި، އެތަނުގައި ޢިމާރާތް ކުރުމުގެ މަސައްކަތްތައް ފެށުން ކަމަށެވެ. 

Advertisement

ގުޅީފަޅު މަޝްރޫޢަކީ ކުރީގެ ރައީސް އިބްރާހިމް މުހައްމަދު ސަރުކާރުން ކުރިއަށް ގެންދިޔަ ބިންވެރިޔާ ގެދޮރުވެރިޔާ ސްކީމްގެ ދަށުން މާލޭ ރައްޔިތުންނަށް ގޯއްޗާއި ފްލެޓު ދިނުމަށް ނިންމި އެއް ސަރަޙައްދެވެ.

އެގޮތުން ބިންވެރިޔާ ސްކީމްގެ ދަށުން ދޫކުރާ 2000 ގޯތި ދޫކުރުމަށް ހަމަޖެހިފައިވަނީ ގުޅީފަޅު ހިއްކައިގެންނެވެ.

ބޯހިޔާވަހިކަމުގެ މައްސަލަ ހައްލު ކުރުމަށް ގުޅީ ފަޅުން ކުރީ ސަރުކާރުން ހިއްކަން ފެށި ސަރަހައްދަށް އިތުރު 85 ހެކްޓަރުގެ ބިން އިތުރު ކުރަން މިސަރުކާރުން ވަނީ ނިންމާފައެވެ.