ހުޅުމާލެ ދެވަނަ ފިޔަވަހީގައި ސިފައިންގެ ތަމްރީނުތަކެއް މިއަދު ކުރިއަށް ގެންދަން ހަމަޖެހިފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް އިން ބުނެފިއެވެ.

އެމްއެންޑީއެފުން ބުނެފައިވަނީ އެ އިދާރާއިން ކުރިއަށްގެންދާ އަސްކަރީ ތަމްރީނުތަކެއް 2023 ޑިސެންބަރު 28 ވަނަ ދުވަހުގެ 09:00 އިން 16:00 އަށް ހުޅުމާލެ ފޭސް 2 ގެ އިރު އުތުރު ކަނާދިމާގައި ކުރިއަށްގެންދިއުމަށް ހަމަޖެހިފައި ވާކަމަށެވެ.

މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލެ ފޭސް 2 ގެ އިރު އުތުރުން 6100 މީޓަރ ދުރުމިނަށް ކަމަށްވެސް އެމްއެންޑީއެފުން ބުނެފައިވެއެވެ.

Advertisement

އަދި ވަޒަން ދަތުރުކުރާނެ އުސްމިނަކީ 100 މީޓަރު ކަމަށްވެސް އެމްއެންޑީއެފުން ބުނެފައިވެއެވެ.

މި ތަމްރީނު ބަރުހަތިޔާރުން ކަނޑުގެ ސަރަހައްދަށް ލައިވް ފަޔަރިންގ ކުރުމަށް ހަމަޖެހިފައިވާ ކަމަށްވެސް އެމްއެންޑީއެފުން ބުނެފައިވެއެވެ.