ފާރެއްވެއްޓި، ދަތުރުގޮސް އުޅުނު ބަޔަކަށް އަނިޔާވެފައިވާތީ  އެމްއެންޑީއެފް އިން އެހީތެރިކަން ފޯރުކޮށްދީފިއެވެ.

އެމްއެންޑީއެފުން ބުނީ މި ހާދިސާގައި އަނިޔާ ލިބިފައި ވަނީ ޅ.ދިއްފުށިމާދޫއަށް ދަތުރު ގޮސް އުޅުނު 57 އަހަރުގެ އަންހެނަކަށާއި، 27 އަހަރުގެ ފިރިހެން މީހަކަށް ކަމަށެވެ.

އަދި އެމީހުން އިތުރުފަރުވާއަށް ޅ.އަތޮޅު ހޮސްޕިޓަލަށް ގެންދިއުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން އެހީތެރިކަން ފޯރުކޮށްދީފައި ވާކަމަށް އެ އިދާރާއިން ބުނެފައިވެއެވެ.

މި ހާދިސާގެ ރިޕޯޓު އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއަށް ލިބުނީ ފަތިހު 05:19 ހާއިރު ކަމަށާއި، ރިޕޯޓު ލިބުމާއި އެކު ވަގުތުން ހަރަކާތްތެރިވާން ފަށާފައި ވާކަމަށް އެމްއެންޑިއެފުން ވަނީ ބުނެފައެވެ.

މިގޮތުން، ކޯސްޓްގާޑް ފަސްޓް ސްކޮޑްރަންގެ "ހާބަރކްރާފްޓް 116" ގައި 06:47 ހާއިރު އެ ސަރަހަހައްދަށް ގޮސް، މިއަދު 08:00 ހާއިރު އެ ހާދިސާގައި އަނިޔާ ލުބުނު ދެމީހުން ވަނީ އަވަސް ފަރުވާއަށް ޅ.އަތޮޅު ހޮސްޕިޓަލަށް ގެންދެވިފައިވާ ކަމަށް ބުނެފައިވެއެވެ.

އެމީހުނަށް ލިބުނު އަނިޔާގެ ތަފްސީލެއް އެމްއެންޑީއެފުން ހާމަކޮށްފައެއް ނުވެއެވެ.