އައްޑޫ ސިޓީއާ 900 ކިލޯ މީޓަރު ދުރުން 4 ބިންހެލުމެއް އަތުވެެއްޖެއެވެ.

މޫސުމާ ބެހޭ އިދާރާއިން މިކަމާ ގުޅިގެން ބުނީ ރޭ މެންދަމުން ފެށިގެން ހެދުނާއި ދޭތެރޭ، ކާލްސްބާގް/ މިޑް އިންޑިއަން ރިޖަށް 4 ބިންހެލުން އައިސްފައިވާކަމަށެވެ. މިއީ އައްޑޫ ސިޓީ އާއި 900 ކިލޯމީޓަރު ދުރުން އައި ބިންހެލުން ތަކެކެވެ.

މީގެ ތެރެއިން އެންމެ ބާރުގަދައީ 5.5 މެގްނިޓިއުޑުގައި އައި ބިންހެލުން ކަމަށް އެ އިދާރާއިން ބުނެއެވެ.

Advertisement

އެހެންނަމަވެސް މި ބިންހެލުންތަކުގެ އަސަރެއް ރާއްޖެއަށް ނުކުރާ ކަމަށާއި، އަދި ބިންހެލުންތަކާއި ގުޅިގެން، ސުނާމީގެ އަސަރު ވެސް ނުކުރާ ކަމަށް މެޓް އޮފީހުން މައުލޫމާތު ދެއެވެ.

އެމެރިކާގެ ޖިއޯލޮޖިކަލް ސަރވޭއިން ބުނެފައިވަނީ މިޑް އިންޑިއަން ރިޖަށް 4.8 މެގްނިޓިއުޑްގައި ފުރަތަމަ ބިންހެލުން އައިސްފައި ވަނީ  ދަންވަރު 3:37 ހާއިރު ކަމަށާއި، 5.2 މެގްނިޓިއުޑްގައި ދެވަނަ ބިންހެލުން އައީ ފަތިހު 5:38 ގައި ކަމަށެވެ.

މީގެ އިތުރުން ވެސް ޖިއޯލޮޖިކަލް ސަރވޭއިން ބުނީ 6:18 ގައި ތިންވަނަ ބިންހެލުން އައި ކަމަށާއި އެ ބިންހެލުން އައީ 5.7 މެގްނިޓިއުޑްގެ ބާރުމިނުގައި ކަމަށެވެ. އަދި ހަތަރުވަނަ ބިންހެލުމެއް އައީ ހެނދުނު 7:38 ގައި ކަމަށާއި، އެ ބިންހެލުމުގެ 5 މެގްނިޓިއުޑް ގެ ބާރު ހުރި ކަމަަށެވެ.

ދޭތެރެ ދޭތެރެއިން ރާއްޖޭގެ ސަރަހައްދަށް މި ފަދަ ބިންހެލުންތައް އަންނަކަން ފާހަގަކޮށްލެވެއެވެ.