އިޒްރާއިލުން ފަލަސްތީނުގެ ޣައްޒާއަށް ދޭން ފެށި ހަމަލާތަކުގައި ޝަހީދުކޮށްލި މީހުންގެ ޢަދަދު 21،507 އަކަށް އަރައިފިއެވެ.
އޮކްޓޫބަރު 7 2023 ގައި ފެށުނު ހަމަލާތަކުގައި އިޒްރާއިލުން ދޭން ފެށި ހަމަލާތަކުގެ ސަބަބުން ޝަހީދުވި ޝަހީދުންގެ ތެރޭގައި 8،800 ކުޑަކުދިންވެސް ހިމެނެއެވެ.
މީގެ އިތުރުން ޒަޚަމްވެފައިވާ މީހުންގެ ޢަދަދު ވަނީ 55،915 އަށް އަރައިގެން ގޮސްފައެވެ. އަދި 7000 މީހުން ވީނުވީ އެއް ނޭނގޭ ކަމަށް ވެސް އަލްޖަޒީރާގައި ބުނެފައިވެއެވެ.
މީގެ އިތުުރުން ފަލަސްތީނުގެ ހުޅަނގުއައްސޭރީގައި 316 މީހަކު ޝަހީދު ވެފައިވާއިރު އޭގެ ތެރޭގައި 79 ކުޑަކުއްޖަކުވެސް ހިމެނެއެވެ.
އަދި ހުޅަނގު އައްސޭރީގައި 3800 އަށް ވުރެ ގިނަ މީހުން ވަނީ ޒަޚަމްވެފައެވެ.
އަލްޖަޒީރާގައި ބުނެފައިވަނީ ޔޫއެންގެ ރިޕޯޓްތައް ބުނާގޮތުގައި މިދިޔަ ބުރާސްފަތި ދުވަހާއި ހުކުުރުދުވަހުގެ ހަވީރާއި ހަމައަށް އިޒްރާއިލުން ޣައްޒާގެ 187 މީހަކު ޝަހީދު ކޮށްލައި 312 މީހަކު ޒަޚަމްކޮށްލައިފައިވާ ކަމަށެވެ.
އަލްޖަޒީރާގެ ރިޕޯޓަރު ހާނީ މަޙްމޫދް އަލްޖަޒީރާއަށް ރިޕޯޓް ކޮށްފައިވާ ގޮތުން ޣައްޒާގެ ދެކުނުން އޮންނަ ރަފާހް ގެ މީހުން ދިރިއުޅޭ ސަރަހައްދަށް އިޒްރާއިލުން ވަމަގުން ދިން ހަމަލާއެއްގެ ސަބަބުން 20 މީހުން ޝަހީދުވެފައިވާ ކަމަށެވެ.
މީގެ އިތުރުން ހާނީ ބުނެފައިވަނީ ހަމަލާގެ އަމާޒުފަތްގަނޑަކަށް ވެފައިވަނީ ޙާލުގައި ޖެހި ގެދޮޮރު ގެއްލިފައިވާ ބައެއް ކަމަށެވެ.
Advertisement
This content is created and paid for by advertisers and does not involve Voice Journalists
