މާދަމާއަކީ މީލާދީ ގޮތުން އާ އަހަރެއް ފެށޭ ދުވަސްކަމަށް ވުމާއިއެކު، އާ އަހަރާއި ދިމާކޮށް ގިނަ އަދަދެއްގެ ޕްރައިވެޓް ޖެތްތައް މިއަހަރުވެސް ރާއްޖެ އައިސްފިއެވެ.  

މިގޮތުން ވެލާނާ އިންޓަނޭޝަލް އެއާޕޯޓަށް ދުވާލަކަށް 30 އަށް ޖެޓް އަންނަ އިރު ދެން އެންމެ ގިނައިން ޖެޓް އަންނަ މާފަރު އެއާރ ޕޯޓަށް އެވުރެޖުކޮށް ދުވާލެއްގެ މައްޗަށް 5 ވަރަކަށް ޗެޓް އަންނަ ކަމަށް އެ ރަށު އެއާޕޯޓުން ބުނެފައި ވެއެވެ. 

"ބައެއް ދުވަސް ދުވަހަށް 13 ޗެޓްވެސް މިފަހަރު މި އެއާރޕޯރޓަށް އައިސްފައިވޭ ، މިހާރު މިވަގުތުވެސް ހަމަ އެކަނި މި އެއާރޕޯރޓްގައިވެސް 15 ޖެޓް ޕާރކް ކޮށްފައި އެބައޮތް " ވޮއިސްއަށް މަޢުލޫމާތު ދެއްވަމުން މާފަރު އެއާރޕޯރޓުގެ އޮފިޝަލަކު ބުނުއްވިއެވެ.

Advertisement

މިއަހަރު މާފަރު އެޢާރޕޯރޓަށް ޖެޓްތައް އަންނަ އަދަދު ގިނަވެފައި މިވަނީ އެ އެއާރޕޯރޓުން މަތިންދާ ބޯޓްތަކަށް ބޭނުންވާ ވަރަށް ތެޔޮ އެޅޭނެ އިންތިޒާމު ހަމަޖެހިގެން ދިއުމާއި ގުޅިގެން ކަމަށް އޮފިޝަލް ވިދާޅުވި އެވެ. 

މާދަމާ ފެށޭ އާ އަހަރާއި ދިމާކޮށް ޕްރައިވެޓް ޖެތްތަކަށް ހާއްސަ އިސްކަމެއް ދީގެން އެމްއޭސީއެލް އިންވެސް ވަނީ ޖެތްތައް ޕާރކުކުރުމަށް ބޭނުންވާ ޖާގަ ވެލާނާ އިންޓަނޭޝަނަލް އެއާރޕޯރޓްގައި އިތުރުކޮށްފައެވެ. އެގޮތުން މީގެ ކުރިން 39 ޖެޓް ޕާރކު ކުރެވޭ އިރު މިހާރު އެ އާރޕޯރޓުގައި 68 ޖެޓް ޕާރކުކުރެވޭނެ ޖާގަވަނީ އިތުރުކޮށްފައެވެ.

މިއަހަރުގެ އެންމެ ފަހު ދުވަހަކީ މިއަދުކަމަށް ވާއިރު އާ އަހަރަށް ރާއްޖެ އަންނަ ގިނަ ފަތުރުވެރިން މިހާރު ވަނީ ރާއްޖެ އައިސް އެފަރާތްތައް ބޭނުންވާ މަންޒިލްތަކަށް ގޮއްސައެވެ.