ފަލަސްތީންގެ ރައްޔިތުންނާއި ދެކޮޅައް އެބިމަށް ވެރިގެންފައިވާ އިޒްރޭލުން ދެމުން ގެންދާ ހަމަލާތައް ހުއްޓާލުމަށް ގޮވާލާ މިރޭ ބޭއްވުމަށް ހަމަޖެހިފައިވާ ގްލޯބަލް ކައުންޓް ޑައުން ވިއްސާރަ ވީނަމަވެސް އޮންނާނެ ކަމަށް އެ އިވެންޓް އިންތިޒާމް ކުރާ އިންޓަނޭޝަނަލް އެއިޑް ކެންޕެއިން (އައިއޭސީން) ބުނެފިއެވެ.
ކައުންޓް ޑައުން ޓު ސީޒް ފަޔާއަކީ މިފެށޭ އާހަރުގެ މުނާސަބަތުގައި، އާހަރަށް މަރުހަބާ ކިޔަން ކައުންޓް ޑައުންކުރުމުގެ ބަދަލުގައި ދުނިޔޭގެ އެކިކަންކޮޅުތަކުގައި މިރޭ ކުރިއަށް ގެންދިޔުމަށް ހަމަޖެހިފައިވާ ބޮޑު އިވެންޓެކެވެ.
އެގޮތުން ރާއްޖޭގައި މި އިވެންޓް ބޭއްްވުމަށް ހަމަ ޖެހިފައިވަނީ ހުޅުމާލެ އެއްނަންބަރު ރުއްގަނޑުގައި މިރޭ 23:30 ގައެވެ.
މިހާރު ރާއްޖެއަށް ގަދަ ވިއްސާކުރަމުން ދިޔަ ނަމަވެސް ވީހާވެސް ގިނަ ފަރާތްތަކުން މި އިވެންޓުގައި ބައިވެރިވެ ފަލަސްތީނުގެ ރައްޔިތުންނަށް ދެމުންދާ ލާއިންސާނީ ހަމަލާ ހުއްޓާލުމަށް ގޮވާލާ މިރޭ އެއްވުމަށް އައިއޭސީއޭއިން ވަނީ އެދިފައެވެ.
މިރޭގެ އިވެންޓް އިންތިޒާމް ކުރުމުގައި އައޭސީއާއެކު ޕުރޮޖެކްޓު ލިބަރޭޝަން ނަމުގައި ހަރަކާތްތެރިވާ ޒުވާނުން ވެސް ހިމެނެއެވެ.
ޕުރޮޖެކްޓު ލިބަރޭޝަނަކީ ދިވެހިންގެ ކާބަފައިން އަނިޔާވެރިކަމާއި، އަޅުވެތިކަމާއި ދެކޮޅަށް ދެއްކި އެއްބައިވަންތަކަމާއި ހިއްވަރުގެ މައްޗަށް ބިނާވެފައިވާ ހަރަކާތަކެވެ.
ޒުވާނުންތަކެއް އިސްނަގައިގެން ކުރިއަށް ގެންދާ މި ހަރަކާތުގައި ދުނިޔޭގެ އެކި ކަންކޮޅުތަކުގައި، އެކި ނަސްލުގެ މީސްތަކުންނަ ތަހައްމަލު ކުރަން ޖެހިފައިވާ ނާއިންސާއިފާއި، އަދި ޚާއްސަކޮށް ފަލަސްޡީނުގެ ރައްޔިތުންނަށް ކުރިމަތިވެފައިވާ ބިކަހާލު ދެނެގަނެ، އިންސާނީ ހައްޤުތަކަށްޓަކައި އަޑު އުފުލައި މުޖުތަމައެއް ބިނާކުރުމަކީ މިހަރަކާތުގެ މައިގަނޑު މަޤްސަދެވެ.
Advertisement
This content is created and paid for by advertisers and does not involve Voice Journalists
