ބޯކޮށް ވާރޭވެހި ފެންބޮޑުވުމުގެ ސަބަބުން ހުޅުމާލެ ބައެެއް ފުލެޓްތަކުގެ ޕަމްޕް ރޫމްއަށް އަސަރުކޮށް، ވަޅުފެން ފޯރުކޮށްދިނުމުގައި ދަތިތަކާއި ކުރިމަތިލާން ޖެހިއްޖެއެވެ.
އާބަންކޯއިން މައުލޫމާތުދީފައިވާ ގޮތުގައި، ޕަންޕު ރޫމަށް އަސަރުކޮށްފައިވާ ފުލެޓް ތަކުގެ ތެރޭގައި ހުޅުމާލެ ފުލެޓް 14-82، 11-13، ކޮރަލްވިލް އަދި މާލޭގައި ހުންނަ ޓާަޓާ ފުލެޓްތައް ހިމެނެއެވެ.
އަދި ޕަމްޕު ރޫމްއަށް ފެނުގެ އަސަރު ކުރުމާއި ގުޅިގެން ވަޅު ފެން މި ފުލެޓްތަކަށް ފޯރުކޮށްދިނުމުގައި ދަތިތަކެއް ދަނީ ކުރިމަތިވަމުންދާކަންވެސް ފާހަގަކޮށްފައިވެއެވެ.
މިއާއެކު މި މައްސަލަ ހައްލު ކުރުމުގެ މަަސައްކަތް މިހާރު ކުރެވެމުންދާ ކަން ފާހަގަކޮށް އާބަންކޯއިން ވަނީ އޭގެ ސަބަބުން ދިމާވެދާނެ ދަތިތަކަށް މާފަށް އެދިފައެވެ.
މުޅި ރާއްޖެއަށްވެސް މިހާރު ކުރަމުންދާ ވިއްސާރައިގައި ހުޅުމާލޭގެ ބައެއް ސަރަހައްދު ތަކުގައިވެސް ވަނީ ފެންބޮޑުވެ، ބައެއް ގެއްލުންތަކާއި ކުރިމާތިލާން ޖެހިފައެވެ.
އެގޮތުން ހުޅުމާލެ ހޮސްޕިޓަލްތަކާއި، ސްކޫލް އަދި މިސްކިތްތަކަށްވެސް ފެން ވަންނަމުންދާ އިރު، އެކަން ހުއްޓުވުމަށް އާބަންކޯއިން އަންނަނީ އެތަންތަނަށް ފެން ނުވަންނާނެ ހެން ވެލި ބަސްތާ ޖެހުމުގެ މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
