މިހާރު ރާއްޖެއަށް ކުރަމުން މިދާ ވިއްސާރައިގައި މާލެސިޓީގައި ފެން ބޮޑުވެ، ފެނުގެ އަސަރުކޮށްފައިވާ ގެތަކާއި، ފިހާރަތަކާއި އެހެނިހެން ތަންތަނަށް ވެލިބަސްތާ ފޯރުކޮށްދިނުމުގެ މަސައްކަތް ކުރަމުން ދާކަމަށް މިނިސްޓްރީ އޮފް ސިޓީސް، ލޯކަލް ގަވަމެންޓް، ޕަބްލިކް ވޯކްސް އިން ބުނެފިއެވެ.
އެ މިނިސްޓްރީން މިއަދު ކުރި ޓްވީޓެއްގައި ބުނީ މި މަސައްކަތް ކުރަމުން ގެންދަނީ އެމް.އެން.ޑީ.އެފް، މޯލްޑިވްސް ޕޮލިސް ސާވިސް، ވެމްކޯ، މާލެ ސިޓީ ކައުންސިލް އަދި މިނިސްޓްރީގެ ޕަބްލިކް ވޯކްސް ޓީމް ގުޅިގެން ކަމަށެވެ.
މިނިސްޓަރ އާދަމް ޝަރީފް އުމަރު ގެންދަވަނީ އެ މަސައްކަތް ކުރިއަށް ދާގޮތް ވަރަށް ގާތުން ބައްލަވާ އިރުޝާދު ދެއްވަމުންކަމަށް ވެސް އެ މިނިސްޓްރީން މައުލޫމާތު ދެއެވެ.
ބޯކޮށް ވާރޭވެހި މާލެސިޓީގައި ފެން ބޮޑު ވުމުގެ ސަބަބުން ގެއްލުން ލިބުނު ބައެއް ހިސާބު ތަކަށާއި ގޯތިތަކަށް ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ވެސް ވަނީ މިއަދު ޒިޔާރަތް ކުރައްވާ، ހާލަތު ބައްލަވާ ލައްވާފައެވެ.
މާލޭގެ އިތުރުންވެސް ރާއްޖޭގެ އެހެނިހެން ރަށް ތަކަށް ވެސް ވިއްސާރާއިގެ ސަބަބުން ބޮޑެތި ގެއްލުން ތަކެއް ދަނީ ލިބެމުންނެވެ.
މޫސުން ގޯސް ވުމުގެ ސަބަބުން މޫސުމާއި ބެހޭ އިދާރާއިން ރާއްޖޭގެ ބައެއް އަތޮޅު ތަކަށް އޮރެންޖް އެލާޓް ނެރެފައިވާއިރު، އެ އޮފީހުން ބުނަނީ މިއީ މި ވިއްސާރައަކިީ ކޮންމެ އަހަރަކު ވެސް ރާއްޖެއަށް އިރުވައިމޫސުން ފެށޭކޮޅު ޓްރާންސިޝަން ޕީރިއަޑްތެރޭ ކުރާ ވިއްސާރައެއް ކަމަށެވެ.
Advertisement
This content is created and paid for by advertisers and does not involve Voice Journalists
