ހއ އަތޮޅުން ފެށިގެން ވ އަތޮޅަށް މޫސުމާ ބެހޭ އިދާރާ (މެޓް) އިން ހުދު ސަމާލު ނެރެފިއެވެ.

މި އެލާޓު ނެރެފައިވަނީ މިރޭ 9 ން 3  އާއި ހިސާބަށެވެ.

އެ އިދާރާއިން ލަފާ ކުރާ ގޮތުގައި އެ އަތޮޅު ތަކަށް ބޯކޮށް ވާރޭވެހުމާއި އެކު ގުގުރާނެ އެވެ. އަދި ވިލާގަނޑުގައި ގަޑި އަކު 40 މޭލަށް ވައި ގަދަވާނެ ކަމަށް ވެސް އެ އިދާރާއިން ލަފާ ކުރެއެވެ.

މިހާރު ރާއްޖެއަށް ކުރަމުންދާ ވިއްސާރައިގައި ރާއްޖޭގެ އެކި ކަންކޮޅުތަކަށް މެޓް އޮފީހުން ވަނީ ރީނދޫ ސަމާލު ވެސް ނެރެފައެވެ.

މޫސުން ގޯސް ވުމުގެ ސަބަބުން ކަނޑު ގަދަ ވާނެ ކަމަށް ލަފާކޮށް ކަނޑު ދަތުރު ކުރާ ފަރާތްތައް މޫސުމަށް ސަމާލުވުމަށް އިތުރުން ކަމާ ބެހޭ ފަރާތްތަކުން އަންނަނީ އިލްތިމާސް ކުރަމުންނެވެ.