Advertisement

ރައީސްގެ އެންގެވުމަށް، އާއްމުންގެ ދަތިތައް ހައްލު ކުރަން ގައުމީ ފެންވަރުގައި ސިފައިން ހަރަކާތްތެރިވަނީ!

އެމްއެންޑީއެފުން ކ.ގުރައިދޫގައި ފެން ބޮޑުވުމާ ގުޅިގެން ޕަންޕު ބަހައްޓައިގެން ފެން ހިންދުމުގެ މަސައްކަތް ކުރަނީ-- ފޮޓޯ: އެމްއެންޑީއެފް

މިހާރު ރާއްޖެއަށް ކުރަމުންދާ ވިއްސާރައިގައި މޫސުން ގޯސް ވުމުގެ ސަބަބުން މާލެއާއި އަތޮޅުތެރޭގައި ރައްޔިތުންނަށް ކުރިމަތިވެފައިވާ ދަތިތައް ހައްލުކުރުމަށް އެހީތެރިވުމަށް ގައުމީ ފެންވަރުގައި ސިފައިން ހަރަކާތްތެރިވާން ފަށައިފިއެވެ.

ޑިފެންސް މިނިސްޓްރީން ބުނީ މޫސުން ގޯސްވުމުގެ ސަބަބުން މާލެ އާއި އަތޮޅުތެރޭގައި ރައްޔިތުންނަށް ކުރިމަތިވެފައިވާ ދަތިތައް ހައްލުކުރުމަށް އެހީތެރިވުމަށް ސިފައިންގެ އެންމެ މަތީވެރިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އެންގެވުމަށް ޤައުމީ ފެންވަރުގައި ހުރިހާ އޭރިއާ ކޮމާންޑެއްގެ ސިފައިން ހަރަކާތްތެރިވާން ފަށައިފި ކަމަށެވެ.

މާލެއަށް ވާރޭ ވެހި ފެންބޮޑުވުމުގެ ސަބަބުން ގެއްލުން ލިބުނު ގެތަކަށާއި ހިސާބުތަކަށް ރައީސް ޑރ.މުއިއްޒު ވަނީ ޒިޔާރަތް ކޮށް ހާލަތު ބައްލަވާލައްވާފައެވެ. މި ޒިޔާރަތުގައި އެމަނިކުފާނުގެ އަރިހުގައި ނައިބު ރައީސާއި ސަރުކާރުގެ އެހެން އިސްވެރިން ވެސް ވަޑައިގެންނެވިއެވެ.

Advertisement

މި ވިއްސާރައިގައި ލިބެމުންދާ ގެއްލުން ތައް ފޫބައްދާ، ދިމާވާ ދަތިތައް ހައްލު ކުރުމަށް ކަމާ ބެހޭ ފަރާތްތަކާއި އާންމުން ގުޅިގެން ދަނީ މަސައްކަތް ކުރަމުންނެވެ.

މިހާރު ކުރަމުންދާ ވިއްސާރަ އަކީ ކޮންމެ އަހަރަކު ވެސް ރާއްޖެއަށް އިރުވައި މޫސުން ފެށޭކޮޅު ޓްރާންސިޝަން ޕީރިއަޑްތެރޭ ކުރާ ވިއްސާރައެއް ކަމަށް މޫސުމާ ބެހޭ އިދާރާއިން ބުނެއެވެ.

Advertisement

ކޮމެންޓް

Advertisement

Advertisement