50 އަހަރު ވަންދެން ތަހުތުގައި އިންނެވުމަށްފަހު ޑެންމާކްގެ ރާނީ މާގްރެތު ދެވަނަ ތަހުތު ދޫކޮށްލައްވަން ނިންމަވައިފިއެވެ.

އެކަމަނާ މިފަދައިން ނިންމެވީ މުސްކުޅިވެ ބަލި ހާލަތު ހުރި ގޮތުން ވެރި ކަމުގެ ޒިންމާ ފުރިހަމައަށް އަދާ ނުކުރެވޭނެތީ ކަމަށް ވިދާޅުވިއެެވެ.

މާގްރެތު މިކަން އިއުލާން ކުރެއްވީ އާ އަހަރުގެ ތަގުރީރު ދެއްވަމުންނެވެ.

އުމުރުފުޅުން 83 އަހަރުގެ މާގްރެތު ވިދާޅުވީ މުސްކުޅި ވުމުގެ އަސަރުތައް އެކަމަނާގެ މިބައިން ފެންނަމުންދާ ކަމަށާއި ފެބްރުއަރީ މަހު ކުރުމަށް ހަމަޖެހިފައިވާ ބުރަކަށިފުޅުގެ ސާޖަރީ އަށް ފަހު ރަސްމީ ކޮށް މަގާމުން ވަކިވެ ވަޑައިގަންނަވާނެ ކަމަށެވެ.

އެކަމާއަށް ފަހު ދެން މި މަގާމާއި ހަވާލުވެ ވަޑައިގަންނަވާނީ އެކަމަނާގެ ދަރިކަލުން ފްރެޑެރިކް އެވެ.

 “އޭޝްޓްރޭ ކުއީން” ގެ ނަމުން ނަންދެވިފައިވާ މާގަރެތު އަކީ އިނގިރޭސިވިލާތުގެ ރާނީ އެލިޒަބަތު ދެވަނަ އާއި ވެސް ގާތް ގުޅުމެއް އޮތް ވަރަށް ގިނަ ބައެއްގެ ލޯބި ހޯއްދަވާފައިވާ ރާނީ އެކެވެ 

1000 އަހަރަށް ވުރެ ގިނަ ދުވަސް ވެފައިވާ ޑެންމާކުގެ ޝާހީ ވެރިކަމަކީ އެ ގައުމުގެ ސިޔާސީ ގޮތުން ދައުރެއް އަދާކުރާ ވެެރިކަމެއް ނޫންކަން ފާހަގަ ކޮށްލަން ޖެހެއެވެ.