ރާއްޖޭގެ އިގުތިސާދު ފުޅާކުރުމުގެ މަސައްކަތުގެ ދަށުން ޓްރާންސްޝިޕްމަންޓާއި ރީއެކްސްޕޯޓް ވިޔަފާރިއަށް ހާއްސަކޮށްގެން 100% ސަރުކާރު ހިއްސާވާ ކުންފުންޏެއް އުފެއްދުމަށް ނިންމައިފިއެވެ.

މިކަމާއި ގުޅިގެން އެކްސް ގައި މިނިސްޓަރ އޮފް އިކޮނޮމިކް ޑިވެލޮޕްމެންޓް އެންޑް ޓްރޭޑް ވިދާޅުވީ "މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން" ގެ ނަމުގައި ހާއްސަ ކުންފުންޏެއް އުފައްދަވަން ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ނިންމަވާފައިވާ ކަމަށެވެ.

މިއީ ރާއްޖޭގެ އިގްތިސާދީ ރައްކާތެރިކަން ކަށަވަރުކޮށް ވެލިއު އެޑްކުރުމާއި، ޓްރާންޝިޕްމަންޓް އަދި ރިއެކްސްޕޯޓް ވިޔަފާރިއަށް ހާއްސަ ކުންފުންޏެއް ކަމަށް ކުންފުންޏެއް މިނިސްޓަރު ވިދާޅުވިއެވެ.

ރާއްޖޭގެ އިގްތިސާދު ފުޅާކޮށް، ރާއްޖޭގެ ސިނާއާތްތައް ކުރިއެރުވުމަކީ ރައީސް ޑރ. މުހައްމަދު މުއިއްޒުގެ ހަފްތާ 14 ގައި ހިމެނޭ މުހިންމު ސިޔާސަތެކެވެ. އޭގެ ތެރޭގައި ގައުމީ އުފެއްދުންތެރިކަމުގެ ނިސްބަތް އިތުރުކޮށް، ވަޒީފާގެ ފުރުސަތުތަކާއި އާމްދަނީ ހޯދޭނެ އިތުރު މަގުތައް ތަނަވަސްކޮށް، އިންވެސްޓްމަންޓްގެ އިތުރު ފުރުސަތުތައް ހޯދައިދިނުމަކީ މި ސަރުކާރުގެ އަމާޒެކެވެ.