އާއިލާއަށް ރައްކާތެރިކަމާއި އެކު ޗުއްޓީ ދުވަސް ހޭދަކުރެވޭނެ ގޮތްތައް ހަމަޖައްސައިދެއްވާނެ ކަމަށް ޕީއެންސީގެ ފަރާތުން މާލެ ސިޓީގެ މޭޔަރު ކަމަށް ކުރިމަތި ލައްވާފައިވާ ކުރީގެ ބަންޑާރަ ނައިބު އާއިޝަތު އާޒިމާ ޝަކޫރު ވިދާޅުވެއްޖެއެވެ.
އާޒިމާ މި ފަދައިން ވިދާޅުވީ މިރޭ ސަންގު ޓީވީން ކުރިއަށް ގެންދިޔަ މާލޭ ސިޓީ މޭޔަރު ކަމަށް ކުރިމަތިލައިފައިވާ ކެނޑިޑޭޓުންގެ ބަހުސް ގައިއެވެ.
"އަޅުގަނޑު ހަމަ ވަރަށް ދެކޭ ހިތްވާ ދުވަހެއް އަދި އަޅުގަނޑު އިރާދަކުރެއްވިއްޔާ ގެންނާނެ ދުވަހެއް މި މަގާމް ލިބިއްޖެއްޔާ އަޅުގަނޑުމެންގެ ދަރިން ގޮވައިގެން ހަމަޖެހިލައިގެން ޗުއްޓީ ހޭދަ ކޮށްލާނެ ތަންތަން. ޗުއްޓީ ދުވަހެއް ހޭދަ ކޮށްލާނެ ތަންތަން. "
އާޒިމާ ވިދާޅުވިއެވެ.
އެކަމަނާ ވިދާޅުވީ މިކަމުގެ ހައްލަކީ މާލޭގައި ހުރި ޕޮކެޓް ޕާކް ތަކެއް ނޫން ކަމަށާއި އެތަންތަން ރަނގަޅަށް ނުވެސް ބެލެހެއްޓޭ ކަމަށެވެ.
މީގެ ބަދަލުގައި އާޒިމާގެ އުންމީދު ތަކުގެ ތެރޭގައި އޮތީ ސިނަ ޕްލެކްސް ތައް ކަމަށާއި އެއީ އާއިލާއަށް ރައްކާތެރި ކަމާއި އެކު ޗުއްޓީ ދުވަސް ހޭދަ ކޮށްލެވޭނެ ބޭރު މީހުން ނުހިމެނޭ ތަންތަން ކަމަށްވެސް އެކަމަނާ ވިދާޅުވިއެވެ. މިގޮތުން މީގެ ތެރޭގައި ބޯލިން އެލީސް އާއި ގޭމިން ސެންޓާސް އަދި ޕަބްލިކް ލައިބްރަރީ ތައް އެކަމަނާގެ ތަސައްވަރުގައި ހިމެނެއެވެ.
އެކަމަނާ އިތުރަށް ވިދާޅުވީ ޕޮކެޓް ޕާކްސް ތަކަށް މާލޭގައި ކުދި ކުދި ތަންތަނުން ހުޅުވާލުމުން އެތާ ތިބެނީ ބިދޭސީން ކަމަށާއި އެއީ އަދި ބިދޭސީންގެ މައްސަލަ ހައްލު ނުވާތީކަމަށެވެ.
Advertisement
This content is created and paid for by advertisers and does not involve Voice Journalists
