މާލެ ސިޓީގެ މޭޔަރު ކަމަށް ހޮވިއްޖެ ނަމަ ދައުލަތުގެ ސިވިލް ޑިފެންސް މުއައްސަސާއެއް ގާއިމު ކުރައްވާނެ ކަމަށް ޕީއެންސީގެ ފަރާތުން މާލެ ސިޓީގެ މޭޔަރު ކަަމަށް ކުރިމަތި ލައްވާފައިވާ އާއިޝަތު އާޒިމާ ޝަކޫރު ވިދާޅުވެއްޖެއެވެ.
އެކަމަނާ މިފަދައިން ވިދާޅުވީ މިރޭ އޮތް ސަންގު ޓީވީ ގެ މާލެ ސިޓީ މޭޔަރު ކަމަށް ކުރިމަތި ލާފައިވާ ފަރާތްތަކުގެ މެދުގައި ކުރިއަށް ދިޔަ ބަހުސްގައެވެ.
"އަޅުގަނޑު ގަބޫލު ކުރާ ގޮތުގައި ވިއްޔާ ސިވިލް ޑިފެންސަކީ ދިވެހި ރާއްޖޭގައި އޮންނަން ޖެހޭނެ ކަމެއް. ދިވެހި ރާއްޖޭގައި އަލިފާން ރޯވީމާ ވަކި ނަންބަރަކަށް ގުޅާފައި، އެންބިއުލަންސް އަށް ބޭނުންވީމަ ވަކި ނަންބަރަކަށް ގުޅާފައި، އެއަށް ވުރެ އަޅުގަނޑުމެން ތަހުޒީބު ވާންޖެހޭ. "
އާޒިމާ ވިދާޅުވިއެވެ.
އާޒިމާ ވިދާޅުވީ އިންޑަސްޓްރިއަލް ޒޯން ނިންމާ، މާލެ ޒޯން ކޮށްފައި މާލޭގެ މީހުން ދިރިއުޅޭ ހިސާބު ތަކުން ގުދަން ތަކާއި ގަރާޖުތައް ނެރެން ޖެހޭކަމަށެވެ. އަދި މާލޭގެ ރައްޔިތުންނަށް ރައްކާތެރިކަމުގެ އިންސްޕެކްޓަރޭޓެއް ގާއިމު ކުރައްވާނެ ކަމަށާއި އެ އިންސްޕެކްޓަރޭޓުގެ ބޭނުމަކީ މާލޭގެ ރައްޔިތުން ދިރިއުޅޭ ތަންތަނުގެ ރައްކާތެރިކަން، ހާއްސަގޮތެއްގައި އިމާރާތުގެ ރައްކާތެރި ކަމާއި އަލިފާނުގެ ރައްކާތެރިކަން ޔަގީން ކުރެވޭނެ އުސޫލު ތަކެއް ގާއިމު ކުރުން ކަމަށްވެސް އާޒިމާ ވަނީ ވިދާޅުވެފައެވެ.
މީގެ އިތުރުންވެސް އެކަމަނާ ވިދާޅުވީ ސިވިލް ޑިފެންސް ގާއިމު ކުރާނީ ސަރުކާރުގެ މުއައްސަސާއެއްގެ ގޮތުގައި ކަމަށާއި އޭގެ ދަށަށް އެންބިއުލާންސް އާއި ފަޔަރ އާއި ދެން ހުރި އެމަޖެންސީ ހިދުމަތްތައް ވަދެެގެންދާނެ ކަމަށެވެ. އަދި ތަހުޒީބު މުޖުތަމައު އެއްގައި މީހުން ދިރިއުޅޭ ގޮތުގެ އާދަކާދަ ތައް ދިވެހިންނަށް ގެނެސްދެއްވާނެ ކަމަށް ވެސް އެކަމަނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
