އެއް މުއައްސިސުންނަށް ވުރެ ގިނަ މުއައްސިސުންނަށް ސިޔާސީ ޕާޓީ އުފެއްދުމުގެ ހުއްދަ ދެވޭ ގޮތަށް ސިޔާސީ ޕާޓީ ތަކާ ބެހޭ ގަވާއިދު އިސްލާހުކޮށްފިއެެވެ.

މީގެ ކުރިން ސިޔާސީ ޕާޓީއެއް އުފެއްދުމަށްޓަކައި ހުށައެޅޭނީ އެންމެ މީހަކަށް ނުވަތަ މުއައްސިސަކަށެވެ. އެކަމާއި ގުޅިގެން ބައެއް ފަރާތްތަކުން ޝަކުވާ އަންނަކަންވެސް މިއަދު އީސީން ބޭއްވި ނޫސްވެރިންގެ ބައްދަލުވުމުގައި އީސީގެ ނާއިބު ރައީސް އިސްމާއީލް ހަބީބު ވަނީ ވިދާޅުވެފަ އެވެ.

އެހެންކަމުން އެކަކަށްވުރެ ގިނަ މީހުން ވެގެން ޕާޓީ އުފެއްދޭ ގޮތަށް ސިޔާސީ ޕާޓީތައް އުފެއްދުމުގެ ގަވާއިދު އިސްލާހުކޮށް މިއަދު ވަނީ ގެޒެޓް ކޮށްފައެވެ. 

އެގޮތުން އިސްލާހުގައި ވާގޮތުން ސިޔާސީ ޕާޓީ އުފެއްދުމުގެ ޝަރުޠު ހަމަވާ ފަރާތަކުން ނުވަތަ ފަރާތްތަކުން ޕާޓީ އުފައްދަން އެދި ހުށަހަޅައިފިނަމަ ޕާޓީ އުފެއްދުމަށް ޓަކައި ކުރަންޖެހޭ ކަންކަން ކުރުމުގެ ހުއްދަ އިލެކްޝަންސް ކޮމިޝަނުން އެ ފަރާތަކަށް ދޭންޖެހޭނެއެވެ.

ޕާޓީ އުފައްދަން އެދޭ މިހާގެ ޝަރުތު ތަކުގެ ތެރޭގައި އެހެން ސިޔާސީ ޕާޓީއެއްގެ މެންބަރަކަށް ނުވުމާއި، އެ މީހެއްގެ މައްޗަށް ޝަރުޢީ ޙުކުމެއް ތަންފީޒުކުރަމުންދާ މީހެއްކަމުގައި ނުވުމާއި، ސާބިތު ދަރަންޏެއް ދައްކަމުންދާ މީހެއްކަމުގައި ނުވުމުގެ އިތުރުން ޖިނާއީ ކުށެއް ކުރިކަން ސާބިތުވެގެނ،ް 12 މަސްދުވަހަށް ވުރެ ދިގު މުއްދަތެއްގެ ޙުކުމެއް އޭނާގެ މައްޗަށް ކޮށްފައިވާ މީހަކުނަމ،ަ އެ ޙުކުމެއް ތަންފީޒުކޮށް ނިމުނުތ،ާ ނުވަތަ އެ ޙުކުމުން ކަނޑައެޅުނު އަދަބު މަޢާފުކުރިތާ 3 އަހަރުދުވަސް ވެފައިވުން ހިމެނެއެވެ.  

މީގެ އިތުރުން މަސްތުވާތަކެތީގެ ވިޔަފާރި ކުރުމާއ،ި ކުޑަކުދިންނާ ބަދުއަޚުލާޤީ ޢަމަލު ހިންގިކަން އެއްވެސް އިރެއްގައި ޝަރީޢަތަށް ސާބިތުވެފައިވާ މީހެއްކަމުގައި ނުވުންވެސް ޝަރުތުކޮށްފައިވެއެވެ. 

ގަވާއިދަށް ގެނެވުނު އިސްލާހާއެކު ސިޔާސީ ޕާޓީ އުފެއްދުމުގެ ހުއްދައަށް އެދި އެކަކަށްވުރެ ގިނަ ފަރާތްތަކަށް ހުށަހެޅިދާނެ ކަމަށާ، ސިޔާސީ ޕާޓީއެއް އުފެއްދުމުގެ ހުއްދައަށް އެދުމުން ޕާޓީއެއް އުފެއްދުމުގެ ހުއްދަ ދުވަހުގެ ތެރޭގައި، އެ ފަރާތަކަށް ނުވަތަ އެ ފަރާތްތަކަށް ލިޔުމުން ދޭންޖެހޭނެއެވެ. 

މީގެ އިތުރުން، ސިޔާސީ ޕާޓީ އުފެއްދުމަށް ހުއްދަ ދޭ ދުވަހުން ފެށިގެން 3 މަސްދުވަހުގެ ތެރޭގައ،ި މަދުވެގެން 3,000 މީހުން ފޯމު ފުރިހަމަކުރުމަށްފަހ،ު ކޮމިޝަނަށް ހުށަހަޅަންވާނެކަމަށާއި، ސިޔާސީ ޕާޓީއެއް އުފައްދަން ހުށަހަޅާ ފޯމުތައް ފުރައިފައިވާ މީހުން، އެހެން އެއްވެސް ސިޔާސީ ޕާޓީއެއްގެ މެންބަރަކަށްވެގެން ނުވާނެކަމަށްވެސް ޤަވާއިދުގައިވެއެވެ.

އަދި ސިޔާސީ ޕާޓީ އުފެއްދުމަށް ހުށަހަޅާ ފޯމުތައް ޗެކުކޮށް ނިންމާއިރު 3,000 މީހުންގެ ސޮއި ހަމަނުވެއްޖެނަމ،ަ އެ ޢަދަދަށް ސޮއި ހަމަކުރުމަށް އިތުރު 3 މަސްދުވަހުގެ މުއްދަތެއް، އެ ފަރާތަށް ދޭންޖެހޭނެކަމަށްވެސް އައު ޤަވައިދުގައި ވަނީ ބަޔާންކޮށްފައެވެ.