އައިލެންޑް އޭވިއޭޝަންގެ ބޯޑުގެ ޗެއާމަނަކަށް ކުރީގެ މެނޭޖިން ޑިރެކްޓަރުގެ މަޤާމުގައި ހުންނެވި މުހައްމަދު މިހާދު ހަމަޖައްސައިފި އެވެ.
ނިމިދިޔަ އިބުރާޙިމް މުހައްމަދު ޞާލިހްގެ ސަރުކާރުގައި ތިން އަހަރެއްހާ ދުވަހު އައިލެންޑް އޭވިއޭޝަންގެ އެމްޑީގެ މަޤާމު ފުރުއްވި މިހާދު ވަނީ އެމްއޭސީއެލްގެ ބޯޑު ޑިރެކްޓަރުގެ މަޤާމާއި އެމްޓީޑީސީގެ މެނޭޖިން ޑިރެކްޓަރުގެ މަޤާމު ވެސް ކުރިން އަދާކުރައްވައިފަ އެވެ.
2021 ވަނަ އަހަރުގެ މާރޗުމަހުން ފެށިގެން މި ނިމުނު 2023 ވަނަ އަހަރުގެ ނޮވެމްބަރު މަހުގެ 18 ވަނަ ދުވަހާއި ހަމައަށް މިހާދު ހުންނެވީ އެކުންފުނީގެ މެނޭޖިން ޑިރެކްޓަރުގެ މަޤާމުގަ އެވެ.
މިދިޔަ ނޮވެމްބަރު މަހުގެ 28 ގައި ވަނީ އެ ކުންފުނީގެ އާ މެނޭޖިން ޑިރެކްޓަރުގެ މަގާމަށް އިބްރާހިމް އިޔާސް ހަމަޖައްސަވައިފަ އެވެ.
ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވުމަށްފަހު ސަރުކާރު ނިސްބަތްވާ ގިނަ ކުންފިނިތަކެއްގެ އިސްމަޤާމްތަކަށް މިހާރުވަނީ ބޭފުޅުން ހަމަ ޖައްސަވާފައެވެ. އަދި ހަމަ އެހެންމެ ބޭރުގެ ޤައުމުތަކަށް އާސަފީރުން ކަނޑައެޅުއްވުމުގެ މަސައްކަތްވެސް ކުރިއަށް ދެއެވެ.
Advertisement
This content is created and paid for by advertisers and does not involve Voice Journalists
