ފްލެޓާއި ގޯތި މިއަދުން މިއަދަށް ހަވާލު ކުރުމަށް ކުރީގެ ރައީސް އަދި އެމްޑީޕީގެ ރައީސް އިބްރާހިމް މުހައްމަދު ޞާލިހު، ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް ގޮވާލައްވައިފިއެވެ.
ރައީސް ޞާލިހު މިފަދައިން ގޮވާލެއްވީ އާދަމް އާޒިމް މާލޭގެ މޭޔަރު ކަމަށް ހޮވުމާއި ގުޅިގެން އެމްޑީޕީން އުފާ ފާޅު ކުރުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ރައްޔިތުން ފުށި ދިއްގަރުފަޅަށް ނުގެންގޮސް، ރައީސް ޞާލިހުގެ ސަރުކާރުން މާލޭގެ ރައްޔިތުންނަށް ދޫކުރި ގޯއްޗާއި ފްލެޓް މިއަދުން މިއަދަށް ހަވާލު ކުރުމަށް ވަނީ ރައީސް ޞާލިހު ވަނީ ރައީސް ޑރ.މުއިއްޒު އަށް ގޮވާލައްވާފައެވެ.
"ކުރިއަށް މިއޮތީ ރައްޔިތުންގެ މަޖިލީހުގެ އިންތިހާބު. މި އިންތިހާބުން މާލޭގެ ރައްޔިތުންގެ ފަރާތުން ރުހުމެއް ބޭނުންވާ ކަމުގައި ވަންޏާ، ވޯޓެއް ބޭނުންވާ ކަމަށް ވަންޏާ މުއިއްޒު ކުރައްވަންވީ ކަމަކީ އެއީ. އެހެން ނޫނިއްޔާ ބޮޑު ތަނުން އަނެއްކާވެސް މި ސަރުކާރަށް ނޫނެކޭ ބުނާނެ."
ރައީސް ޞާލިހު ވިދާޅުވިއެވެ.
މީގެ އިތުރުންވެސް ރައީސް ޞާލިހު ވިދާޅުވީ ރައީސް ޑރ.މުއިއްޒު މިހާރުވެސް ކުރައްވާ ކަމަކީ ވެރިކަމަށް އައުމަށްްޓަކައި ކުރެއްވި މަސައްކަތް ކަމުގައިވާ ދޮގު ހެދުމާއި އޮޅުވާލުމާއި ނަފްރަތަށް ގަދަ ބަސް ބުނުން ކަމަށާއި އެކަމުން ކާމިޔާބެއް ނުވާނެ ކަމަށް ބުނެ ވަރަށް ބޮޑަށް ފާޑު ވިދާޅުވެފައެވެ.
މި ސަރުކާރަކީ މަޑުމައިތިރި ކަމާއި އެކު ރައްޔިތުންގެ އަޑު އަހައިގެން ރައްޔިތުން ބޭނުންވާ ގޮތަށް ވެރިކަން ކުރުމަށް ގެނައި ސަރުކާރެއް ކަމަށާއި އެކަން އެގޮތަށް ނުކުރާ ކަމަށް ވަންޏާ ރައްޔިތުން ޖަވާބު ދާރީ ކުރުވާނެ ކަމަށާއި މި ސަރުކާރުގެ ސިޔާސަތުތަކަށް ބަދަލު ގެންނަން ޖެހޭ ކަމަށް ވިދާޅުވެ ރައީސް ޞާލިހު ވަނީ ވަރަށް ޖޯޝުގައި ހުންނަވައި ސަރުކާރަށް ފާޑު ވިދާޅުވެފައެވެ.
ރައީސް ޞާލިހުގެ ވާހަކަފުޅުގައި މާލޭގެ ރައްޔިތުންނަށް ދީފައި ހުރި ގޯތި ތައް ލަސްނުކޮށް ހަވާލު ކޮށްދިނުމަށް ތަކުރާރުކޮށް ސަރުކާރަށް ވަނީ ގޮވާލާފައެވެ.
Advertisement
This content is created and paid for by advertisers and does not involve Voice Journalists
