ޕްރޮގްރެސިވް ކޮންގްރެސް ކޯލިޝަންގެ ސަރުކާރު ހުވާކުރުމަށްފަހު ރާއްޖޭގައި ބޭއްވި ބައި އިލެކްޝަންތަކުން ސަރުކާރު ހިންގާ ކޮންގްރެސް ކޯލިޝަނަށް ބޮޑު ކާމިޔާބީއެއް ލިބިއްޖެއެވެ.

އިލެކްޝަންސް ކޮމިޝަންގެ ތަފާސް ހިސާބުތައް ދައްކާގޮތުން ރައީސް ޑރ. މުޙައްމަދު މުޢިއްޒު ވެރިކަމުގެ ހުވާ ކުރެއްވުމުގެ ފަހުން ބޭއްވުނު ބައި އިލެކްޝަންތަކުން ސަރުކާރު ހިންގާ ކޯލިޝަނުން ޖުމްލަ 18 ގޮނޑިއެއް ވަނީ ކާމިޔާބު ކޮށްފައެވެ.

ކޮންގްރެސް ޕާޓީން ވަނީ މާލެ ސިޓީގެ 2 ދާއިރާއެއްގެ ބައި އިލެކްޝަނާއި،ކާފު އަތޮޅުގެ ރައީސް ކަމާއި އަދި އެނޫންވެސް ދާއިރާތަކެއްގެ ގޮނޑިތައް ކާމިޔާބު ކޮށްފައެވެ.

- ހއ. ކެލާ ކައުންސިލްގެ އަންހެން މެންބަރު

- ނ. މާފަރު ކައުންސިލް މެންބަރު

- ތ. ގުރައިދޫ ކައުންސިލް ރައީސް

- ނ. މާފަރު އ.ތ.މ ކޮމެޓީ

- މާލެސިޓީ މާފަންނު ދެކުނު ދާއިރާ ކައުންސިލް މެންބަރު

- މާލެސިޓީ ހެންވޭރު ދެކުނު ދާއިރާ އަންހެނުންނަށް ޚާއްޞަ ގޮނޑި

- ވ.ރަކީދޫ ކައުންސިލް މެންބަރު

- ހދ. މަކުނުދޫ އ.ތ.މ ކޮމެޓީ

- ހދ. ނޭކުރަންދޫ އ.ތ.މ ކޮމެޓީ

- ށ. ކަނޑިތީމު އ.ތ.މ ކޮމެޓީ

- ނ. މަނަދޫ އ.ތ.މ ކޮމެޓީ

- ނ. މަނަދޫ އ.ތ.މ ކޮމެޓީ

- ނ. މާޅެންދޫ އ.ތ.މ ކޮމެޓީ

- ރ. މަޑުއްވަރި އ.ތ.މ ކޮމެޓީ

- ބ. ފުޅަދޫ އ.ތ.މ ކޮމެޓީ

- ބ. ދަރަވަންދޫ އ.ތ.މ ކޮމެޓީ

- ކ. ގާފަރު އ.ތ.މ ކޮމެޓީ

- އދ. މަންދޫ އ.ތ.މ ކޮމެޓީ ހިމެނެއެވެ.

އިލެކްޝަންސް ކޮމިޝަންގެ ތަފާސް ހިސާބުތަކުން ދައްކާގޮތުން ޖުމްލަ 23 ބައި އިލެކްޝަނުން 18 ގޮނޑި ކާމިޔާބުކޮށްފައިވަނީ ވެރިކަންކުރާ ޕްރޮގްރެސިވް ކޮންގްރެސް ކޯލިޝަނުންނެވެ.

ބައި އިލެކްޝަންގައި އެންމެ ބޮޑު ސަމާލުކަމެއް ހުއްޓިގެން ދިޔަ މާލެސިޓީގެ މޭޔަރު ގޮނޑި ކޮންގްރެސް ޕާޓީއަށް ވަނީ ގެއްލިފައެވެ. އެ ގޮނޑި ކާމިޔާބު ކޮށްފައިވަނީ އިދިކޮޅު އެމްޑީޕީގެ ޓިކެޓުގައި ވާދަކުރި ކެންޑިޑޭޓް އެމްޓީސީސީގެ ކުރީގެ ސީއީއޯ އާދަމް އާޒިމްއެވެ. އެހެންނަމވެސް މާލެސިޓީ ކައުންސިލްގެ މެޖޯރިޓީ އަދިވެސް އޮތީ ސަރުކާރު ހިންގާ ޕާޓީއަތުގައެވެ.