އީރާނުން ޕާކިސްތާނަށް މިސައިލްގެ ހަމަލާތަކެއް ދީފިއެވެ.
މިހަމަލާތަކަކީ އީރާނުން ޕާކިސްތާނުގައި ތިބި އީރާނުގެ ޓެރަރިސްޓް ގްރޫޕަކަށް އަމާޒުކޮށް ދިން ހަމަލާތަކެއް ކަމަށް އީރާނުން ބުނެފައިވާއިރު މި ހަމަލާ ތަކުގައި 2 ކުޑަކުދިން ވަނީ ޝަހީދުވެފައެވެ.
ބަލޫޗިސްތާން ޕްރޮވިންސްގެ ކަމާބެހޭ ފަރާތްތަކާއި ހަވާލާދީ ސީއެންއެންއިން ރިޕޯޓު ކުރާ ގޮތުގައި މިހަމަލާތަކުގައި ދެ އަންހެން ކުދިން ޝަހީދުވެ، ހަތަރު މީހަކަށް ވަނީ އަނިޔާވެފައި އެވެ.
މި ހަމަލާތަކުގައި އުމުރުން 8 އަހަރާއި 12 އަހަރުގެ ދެ ކުދިން މަރުވެފައިވަނީ ޕަންޖްގުރު ޑިސްޓްރިކްޓާ ގާތްގަނޑަކަށް 60 ކިލޯމީޓަރު (37 މޭލު) ދުރުގައި އޮންނަ ކުލާގުގެ ކޮހް-އެ-ސަބްޒް އަވަށުގައި އަންގާރަ ދުވަހުގެ ހަވީރު ދިން ހަމަލާގައި ކަމަށް އެ ސަރަހައްދުގެ ކޮމިޝަނަރު މުމްތާޒް ޚެޓްރަން ވިދާޅުވިއެވެ.
ޕާކިސްތާނުން ވަނީ މި ހަމަލާތައް ހަރުކަށި އިބާރާތުން ކުށްވެރިކޮށް މިއީ "ބައިނަލްއަގްވާމީ ގާނޫނުތަކާ ހިލާފު" އަމަލެއް ކަމަށް ބުނެފައެވެ.
ޕާކިސްތާނުގެ ފޮރިން މިނިސްޓްރީން ވަނީ މިހަމަލާތަކުގެ ސަބަބުން "ސީރިއަސް ނަތީޖާތަކެއް" ނިކުންނާނެ ކަމަށް ބުނެ އީރާނަށް އިންޒާރު ދީފައެވެ.
ޕާކިސްތާނާއި އީރާނާ އޮންނަ ބޯޑަރާ ގާތްގަނޑަކަށް 50 ކިލޯމީޓަރު (31 މޭލު) ދުރުގައި އޮންނަ ކޮހް-އެ-ސަބްޒް އަކީ ޕަންޖްގުރާއި ޖެހިގެން އޮންނަ އީރާނުގެ ސަރަހައްދެއް ކަމަށްވާ ސަރަވާންގައި 2018 ވަނަ އީރާނުގެ ސިފައިންނާ ހިނގި ހަމަނުޖެހުންތަކުގައި މަރުވި ޖައިޝްއުލް އަދުލްގެ ކުރީގެ ސެކަންޑް އިން ކޮމާންޑް މުއްލާހް ހާޝިމްގެ ގެ ހުންނަ ސަރަހައްދެކެވެ.
Advertisement
This content is created and paid for by advertisers and does not involve Voice Journalists
