ޖުމްްހޫރީ މައިދާނުގައި ހުރި ފެންއަރުވާ ވަޑާން މަރާމާތުކޮށް ރޯދަމަހު ހުޅުވައިލަން މަސައްކަތް ކުރައްވަމުންދާ ކަމަށް ސިޓީތަކާއި އިދާރީ ދާއިރާތައް ހިންގެވުމާ ބެހޭ ވުޒާރާގެ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ.

އާދަމް ޝަރީފް މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

އާދަމް ޝަރީފް ވިދާޅުވީ ޖުމްްހޫރީ މައިދާނުގައި ހުރި ފެންއަރުވާ ވަޑާން މަރާމާތުކޮށް އަލުން ހުޅުވާލާއިރު ހުންނާނީ ކުރިއަށް ވުރެވެސް ފުރިހަމަކޮށް ކަމަށެވެ. 

އަދި އެ މަސައްކަތަކީ އެމްޓީސީސީގެ ސީއެސްއާރްގެ ދަށުން ހިންގާ ޚާއްސަ ޕްރޮޖެކްޓެއް ކަމަށް ވެސް މިނިސްޓަރު ވިދާޅުވިއެވެ.

ޖުމްހޫރީ މައިދާނުގައި ހަދާފައިވާ ފެންއަރުވާ ވަޑާން ހުޅުވާފައިވަނީ، ކުރީގެ ރައީސް އަބްދުالله ޔާމީން އަބްދުލްގައްޔޫމްގެ ވެރިކަމުގައި، އަދުގެ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ހައުސިންގ މިނިސްޓަރު ކަމުގައެވެ. 

28 މީޓަރު ފުޅާ އަދި 28 މީޓަރު ދިގު ފެންއަރުވާ ވަޑާން ރައީސް ޑރ.މުޢިއްޒު މާލޭގެ މޭޔަރުކަމުގައި ހުންނެވިއިރު ވެސް މަރާމާތު ކުރުމުގެ މަސައްކަތްތައް ކުރިއަށް ގެންދަވައިފައިވެއެވެ.