މި ހިނގާ 2024 ވަނަ އަހަރު ރާއްޖޭގައި އުފައްދާފައިވާ 6 ސިޔާސީ ޕާޓީއަކަށް ފައިސާ ބެހިފައިވާ ގޮތް އިލެކްޝަން ކޮމިޝަން (އީސީ) އިން ހާމަކޮށްފިއެވެ.

ދައުލަތުގެ ބަޖެޓުން މި އަހަރު ދިނުމަށް ހަމަޖެހިފައވަނީ 44،099،905 ރުފިޔާ ކަމަށް އީސީން ވަނީ ހާމަކޮށްފައެވެ. މި ފައިސާ ދިނުމަށް ހަމަޖެހިފައިވަނީ އެ ކޮމިޝަނުގައި ރަޖިސްޓްރީ ކޮށްފައިވާ ސިޔާީ ޕާޓީ ތަކުގެ ތެރެއިން 2024 ވަނަ އަހަރުގެ ދައުލަތުގެ ބަޖެޓް މަޖިލީހުން ފާސްކުރި ދުވަހާއި ހިސާބަށް 10،000 މެމްބަރުން ހަމަވެފައިވާ ސިޔާސީ ޕާޓީ ތަކަށެވެ.

މި ގޮތުން ދައުލަތުގެ ބަޖެޓުން ފައިސާ ދިނުމަށް ހަމަޖެހިފައިވާ ސިޔާސީ ޕާޓީ ތަކަކީ:

1. ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) - 15،101،580.43 ރުފިޔާ

2. އަދާލަތު ޕާޓީ (އޭޕީ) - 2،547،533.69 ރުފިޔާ

3. ޖުމްހޫރީ ޕާޓީ (ޖޭޕީ) - 5،314،312.83 ރުފިޔާ

4. ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) - 10،491،054.20 ރުފިޔާ

5. މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ) - 2،477،734.28 ރުފިޔާ

6. ޕީޕަލްސް ނޭޝަނަލް ކޮންގްރެސް (ޕީއެންސީ) - 8،072،689.58 ރުފިޔާ

މި 6 ޕާޓީގެ ތެރެއިން ޕީއެންސީ ގައި ތިބި މެމްބަރުންގެ ނިސްބަތުން 8،167،689.58 ރުފިޔާ ޖެހުނު ނަމަވެސް ގާނޫނާއި ގަވާއިދާއި ޚިލާފުވެގެން ކޮށްފައިވާ ޖޫރިމަނާގެ ތެރެއިން ނުލިބި ހުރި ފައިސާ އުނި ކުރުމަށް ފަހު އެޕާޓީއަށް ލިބުނު އަދަދަކީ 8،072،689.58 ރުފިޔާ އެވެ. 

ޕާޓީތަކަށް ކަނޑއެޅިފައިވާ ފައިސާ ބެހުމަށް ހަމަޖެހިފައިވަނީ ކޮންމެ ބޮލަކަށް 289.62 ރުފިޔާގެ މަގުން ކަމަށް އީސީ އިން ވަނީ ހާމަކޮށްފައެވެ.