ސްޓެލްކޯގެ ކޭބަލަކަށް ގެއްލުންވެ، މާލޭގެ ބައެއް ސަރަހައްދު ތަކުން ކަރަންޓްގެ ޚިދުމަތް މެދުކެނޑިއްޖެއެވެ. 

މިކަމާއި ގުޅިގެން ސްޓެލްކޯ އިން އެކްސްގައި ކޮށްފައިވާ ޕޯސްޓެއްގައި ބުނީ ގެއްލުން ވެފައިވަނީ އެ ކުންފުނީގެ ކަރަންޓުގެ ވިއުގައިގައި ހިމެނޭ ލޯ-ވޯލްޓޭޖް ކޭބަލަކަށް ކަމަށެވެ.

އަދި އޭގެ ސަބަބުން، މާފަންނުގެ ޖަވާހިރުމަގުގެ ބައެއް ސަރަހައްދުތަކުން ވަނީ ކަރަންޓުގެ ޚިދުމަތް މެދުކެނޑިފައިވާ ކަމަށެވެ.

މިއާއެކު ސްޓެލްކޯ އިން ބުނީ، ވަގުތީ ކޭބަލެއް އަޅައި އެ ސަރަހައްދުތަކަށް އަލުން ކަރަންޓު ދިނުމުގެ މަސައްކަތްތައް މިހާރު ކުރެވެމުންދާ ކަމަށާ އޭގެ ސަބަބުން ދިމާވާނެ ދަތިތަކަށް މާފަށްއެދޭ ކަމަށެވެ.