ތ.އަތޮޅު މަޑިފުށީގެ އިހްތިސާސް ތެރޭގައި ހިމެނޭ އަދި އެރަށާއި، އެންމެ ކައިރީގައިވާ ފަޅުރަށް ތ.އުފުރިޔާ އާއި ގުޅުވާލަދޭނެ ކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައި ވަނީ ރާއްޖޭގެ ރައީސުލްޖުމުހޫރިއްޔާ ކަމުގެ މަޤަމާއި ހަވާލުވެ ވަޑައިގެންނެވުމަށް ފަހު ފުރަތަމަ ފަހަރަށް ރާއްޖޭގެ އަތޮޅުތަކަށް ކުރައްވަން ފެއްޓެވި ދަތުރުފުޅުގައި މިއަދު ތ.މަޑިފުށްޓަށް ވަޑައިގެން ދެއްކެވި ވާހަކަފުޅުގައެވެ.
ރައީސްޑރ.މުހައްމަދު މުއިއްޒު ވިދާޅުވީ އެމަނިކުފާނު ވެރިކަމަށް ވަޑައިގެން ރަށްރަށުގެ ކައުންސިލްތައް ބާރުވެރިކުރުވާ އިޤްތިޞާދީ ގޮތުން ފުދުންތެރި ތަނަކަށް ހެދުމަށް ވަރަށް ބޮޑަށް އިސްކަންދެއްވާ ކަމަށާއި ، އެކަމަށް ހާއްޞް މިނިސްޓްރީއެއް ވެސް އުފެއްދެވީ އެހެންވެގެން ކަމަށެވެ.
ކައުންސިލްތައް އިޤްތިޞާދީ ގޮތުން ބާރުވެރި ކުރުވުމަށްޓަކައި ފަޅުރަށްރަށް ކުއްޔަށް ދިނުމާއި ގުޅޭ ޤަވާއިދު އިސްލާހްކުރެވި ގެޒެޓް ކުރެވި އަންނަ މަހުން ފެށިގެން އެ ޤަވާއިދަށް އަމަލްކުރަން ފެށުމުން އެރަށެއްގެ އިހްތިސާސްގެ ތެރޭގައި ހިމޭރަށްރަށާއި އަދި އިތުރު ރަށްރަށުން ނަފާ ހޯދުމުގެ ފުރުސަތު ފުޅާދާއިރާއެއްގައި ކައުންސިލްތަކަށް ލިބިގެންދާނެކަމަށް ރައީސުލްޖުމުހޫރިއްޔާ ވިދަޅުވިއެވެ.
"ދެން މިރަށަށް ބަލާއިރު މިރަށުގެ އިހްތިސާސް ތެރޭގައި އޮތްރަށް އުފުރިޔާ ބަލާއިރު ، މިހާރު ރިވެޓްމަންޓު މަޝްރޫއު ކުރިއަށް ދާއިރު ވިޔަސް އަދި އެނޫން ގޮތަކުން ވިޔަސް އެރަށް މިރަށާއި ގުޅުވާލުކީ އަޅުގަނޑުމެން ކުރާނެ ކަމެއް"
ރައީސުލް ޑރ.މުހައްމަދު މުއިއްޒު ވިދާޅުވިއެވެ.
ރައީސުލް ޖުމުހުރިއްޔާ އިތުރަށް ވިދާޅުވީ އެމަނިކުފާނު ވެ ވަޑައިގެންނެވި ކޮންމެ ވަޢުދެއް އެ ވައުދެއް ވެ ވަޑައިގެންނެވި ގޮތަށް ފުރިހަމަކޮށްދެއްވާނެ ކަމަށެވެ. ނަމަވެސް ކަންތައްތައް ކުރުމަށް އަދި ވަގުތު ބޭނުންވާ ކަމަށާއި ، ރާއްޖޭގެ އިޤްތިސާދު ރަނގަޅުވީހާ އަވަހަކަށް އަވަސް ސްޕީޑުގައި މަސައްކަތްތައް ފެށިގެންދާނެ ކަމަށެވެ.
Advertisement
This content is created and paid for by advertisers and does not involve Voice Journalists
