ވަރަށް ބޮޑަށް ބާވެފައިވާ "އެމްޕީއެލް ޕޯޓް ކޮމްޕްލެކްސް" އިމާރާތް ތަޅާލައި، އެ ބިމުގައި 25 ބުރީގެ ޒަމާނީ އިމާރާތެއް އެޅުމަށް ނިންމައިފިއެވެ.
އެމްޕީއެލްގެ މެނޭޖިން ޑިރެކްޓަރު މުހައްމަދު ވަޖީހު އިބްރާހިމް ވިދާޅުވީ މިހާރު އޮފީސްތަކެއް ހިނގަމުން އަންނަ އެމްޕީއެލް އެ ހުރި ބިމުގައި ޒަމާނީ ފުރިހަމަ އިމާރާތެއް އެޅުމުގެ މަސައްކަތް އަންނަ ޖޫން މަހު ހަވާލު ކުރާނެ ކަމަށެވެ. އަދި މި އިމާރާތަކީ ރާއްޖޭގައި ހޭދޭ އެންމެ ފުރިހަމަ އިމާރާތަކަށް ވާނެ ކަމަށާއި މިއީ އެމްޕީއެލްއަށް ރަނގަޅު އާމްދަނީއެއް ލިބި ރާއްޖޭގެ އިގްތިޞާދަށް ވެސް ފައިދާ ލިބިގެން ދާނެ ކަމެއް ކަން ވަޖީހު ފާހަގަކުރެއްވިއެވެ.
އާ ޓަވަރު ގެ ޑިޒައިން ނިމިފައިވާއިރު، ކޮންޓްރެކްޓާ ފައިނޭންސް އުސޫލުން އެ މަސައްކަތް ކޮށްދޭނެ ފަރާތެއްވެސް މިހާރު ލިބިފައިވާ ކަމަށް ވަޖީހު ވިދާޅުވިއެވެ.
"އެ ތަނަކީ ރާއްޖޭގައި ހެދޭ އެންމެ ފުރިހަމަ އިމާރާތަކަށް ވާނެ. އެ ކޮންސެޕްޓް ހަދައި ޑިޒައިންވެސް ވަނީ ނިމިފައި. ކޮންޓްރެކްޓާ ވެސް އެބަހުރި ލިބިފައި، އެ ފަރާތުން ކޮންޓްރެކްޓާ ފައިނޭންސުގެ ދަށުން އެކަން ކޮށްދޭނެ. މިއީ އެމްޕީއެލްއަށް ރަނގަޅު އާމްދަނީއެއް ލިބިގެން ދާނެ ކަމެއް. އަނެއްކާ ރާއްޖޭގެ އިގްތިސޯދަށް ވެސް ފައިދާ ވެގެން ދާނެ."
ވަޖީހު ވިދާޅުވިއެވެ.
މީގެ އިތުރުންވެސް ވަޖީހު ވަނީ އެމްޕީއެލްގެ ބާ އިމާރާތް ހުންނަތާ ވަރަށް ޒަމާންވެފައިވާ ކަން ފާހަގަކުރައްވާފައެވެ. މިކަމުގެ ސަބަބުން ބޮލަށް ވާރޭ ވެހޭ މައްސަލައަކީ އެތަނުގައި އޮފީސްތައް ހިންގާ ފަރާތްތަކުގެ ވަރަށް ބޮޑު ޝަކުވާ އެއް ކަން ވަޖީހު ފާހަގަކުރައްވަމުން ވިދާޅުވީ، އެ ތަނުގައި އިމާރާތުގެ އިތުރުން ބޮޑު ޖާގައެއް އެބައޮތް ކަމަށެވެ. އާ އިމާރާތް ބިނާކުރާއިރު، އެ އިމާރާތުގައި ޝޮޕިންގެ ވަސީލަތްތަކާއި، ޕާކިންގެ ހިދުމަތް ތަކާއި، އޮފީސްތަކަށް ހާއްސާ ޖާގަ ދިނުމަށް ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
