މި އަހަރުގެ ޙައްޖުގެ އަޅުކަމަށް ޖާގަ ކަށަވަރުކުރުމަށް ކަމަށް ބުނެ ހައްޖު ކޯޕަރޭޝަންގެ ނަމުގައި ކުރަމުން ދާ ފޯންކޯލްތަކަށް ސަމާލުވުމަށް އެ ކޯޕަރޭޝަނުން އިލްތިމާސްކޮށްފިއެވެ.

މިކަމާއި ގުޅިގެން ހައްޖު ކޯޕަރޭޝަނުން އެކްސް ގައި ކުރި ޕޯސްޓެއްގައި ބުނީ މި އަހަރުގެ ޙައްޖުގެ އަޅުކަމަށް ޖާގަ ކަށަވަރުކުރުމަށް ކަމަށް ބުނެ އަމިއްލަ ފަރުދުން ތަކެއްގެ އެކައުންޓު ތަކަކަށް ފައިސާ ޖަމާކުރުމަށް ފޯނުކޯލު ތަކެއް ކުރަމުންދާ ކަމަށެވެ.

އެ ކޯޕަރޭޝަންގެ ހިދުމަތްތަކަށް ފައިސާ ދައްކާނީ "މޯލްޑިވްސް ހައްޖު ކޯޕަރޭޝަން ލިމިޓެޑް" ގެ ނަމުގައި ހުޅުވާފައިވާ ބޭންކް އެކައުންޓަށް ކަމަށާއި އަމިއްލަ ފަރުދެއްގެ އެކައުންޓަށް ފައިސާ ޖަމާކުރުމަށް ނާންގާނެ ކަމަށް ވެސް އެ ކޯޕަރޭޝަނުން ވަނީ ބުނެފައެވެ.

މިފަހަކަށް އައިސް ރާއްޖޭގައި މަކަރާއި ހީލަތުން ފައިސާ ހޯދުމަކީ އާންމު ކަމެއްކަން ފާހަގަކޮށްލަން ޖެހެއެވެ.