ބޭރު ގައުމުތަކުގެ ފައިސާ ބީއެމްއެލްގެ ކާޑުތަކުން މުއާމަލާތް ކުރެވޭ ލިމިޓް އަދި ކަނޑަނާޅާ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފިއެވެ.
ބީއެމްއެލް އިން މި ފަދައިން ބުނީ ރުފިޔާ އެކައުންޓްތަކުން ބީއެމްއެލްގެ ޑޮލަރު ލިމިޓް 25 ޑޮލަރަށް ތިރިކުރުމަށް ނިންމާފައިވާ ކަމުގެ ޚަބަރު ފެތުރެމުންދާ ދަނޑިވަޅެއްގަ އެވެ.
މިގޮތުން ބީއެމްއެލް އިން ބުނީ ބޭރު ފައިސާ ލިބުމުގައި ބޭންކަށް ދިމާވާ ދަތިތަކާ ގުޅިގެން ރުފިޔާ އެކައުންޓްތަކުން ބޭރުފައިސާގެ މުއާމަލާތް ކުރުމަށް މިހާރު ކަނޑައަޅާފައިވާ ކާޑު ލިމިޓްތައް މުރާޖައާ ކުރަމުންދާ ކަމަށެވެ. އަދި މިހާތަނަށް ބޭންކުން ވަކި ލިމިޓެއް ކަނޑަނާޅާ ކަމަށާއި، އާ ލިމިޓަށް އަމަލު ކުރަން ފަށާނެ ތާރީހެއްވެސް ކަނޑައަޅާފައި ނުވާ ކަމަށް ބީއެމްއެލް އިން މައުލޫމާތު ދެއެވެ.
ރުފިޔާ އެކައުންޓުތަކުން ބޭރު ފައިސާގެ މުއާމަލާތްކުރުމަށް މިހާރު ކަނޑައަޅާފައިވާ ލިމިޓަކީ މަހެއްގެ މައްޗަށް:
ޑެބިޓް ކާޑް - 250 ޑޮލަރު
ކްރިޑިޓް ކާޑް - 750 ޑޮލަރު
ބީއެމްއެލްއަށް ބޭރު ފައިސާ ލިބުމުގައި ދަތިވެގެން އުޅެނީ ރަސްމީ ބޭންކިން ނިޒާމުގެ ތެރެއިން މާރުކުރާ ޑޮލަރުގެ އަދަދު މަދުވުމާ ގުޅިގެންނެވެ.
Advertisement
This content is created and paid for by advertisers and does not involve Voice Journalists
