ކުރިއަށް އޮތް ދިރާސީ އައު އަހަރުގައި ޤައުމިއްޔަތު މާއްދާ ރަސްމީކޮށް ކިޔާވައިދޭން ފަށާނެ ކަމަށް ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ޤައުމިއްޔަތުގެ މާއްދާ މިހާރު މިވަގުރު ލ. އަތޮޅު އެއްވެސް ސުކޫލެއްގައި ކިޔަވައި ދޭން ނުފަށާތީ އެ އަތޮޅު ސްކޫލްތަކުގައި ކިޔަވައިދޭން ފަށާނެ ދުވަހަކާއި ގުޅޭގޮތުން މާވަށު ސްކޫލުގެ ޕްރިންސިޕަލް، ލ.މާވަށު، ދުންފިނިގޭ، ޒުލައިޚާ ރަފީޢު، ދެންނެވި ސުވާލަށް ޖަވާބު ދެއްވަމުންނެވެ.

އެގޮތުން ރައީސް ވިދާޅުވީ މިހާރު ހިނގަމުންދަނީ ޤައުމިއްޔަތު މާއްދާގެ ޕައިލެޓް ޕްރޮޖެކްޓް ކަމަށާއި، އެ ޕްރޮޖެކްޓް ކުރިއަށް ދަނީ އެޑިޔުކޭޝަން މިނިސްޓްރީއިން ޚިޔާރު ކުރި 11 ސްކޫލެއްގައި ކަމަށެވެ. އަދި އެގޮތުގެ މަތިން އެ 11 ސުކޫލުގައި މިވަގުތު ކުރިއަށްދަނީ ޕައިލެޓް ކުރުމުގެ އެކިކަހަލަ މަސައްކަތްތައް ކަންވެސް އެމަނިކުފާނު ފާހަގަކުރެއްވިއެވެ.

Advertisement

މިއާއިއެކު ރައީސް ވިދާޅުވީ އެހުރިހާ ކަމެއް ނިމުމުން އަންނަ ދިރާސީ އަހަރު ޤައުމިއްޔަތު މާއްދާ ކިޔަވައިދޭން ފައްޓަވާނެ ކަމަށެވެ.

ދިވެހި ގައުމިއްޔަތު ދިރުވާ އާލާކުރުމުގެ ގޮތުން ދިވެހި ގައުމިއްޔަތު ވަކި މާއްދާއެއްގެ ގޮތުގައި މަންހަޖުގައި ހިމަނައިގެން ކިޔަވައިދިނުމަކީ ރައީސުލްޖުމުހޫރިއްޔާ ޑރ މުހައްމަދު މުޢިއްޒުގެ ރިޔާސީ ވަޢުދުފުޅެކެވެ. 

އެގޮތުން ގައުމިއްޔަތު މާއްދާ ތައާރަފްކޮށް، އެންމެ ފުރަތަަމަ ކިޔަވަދޭން ފަށާނީ ގްރޭޑް 4 ގެ ދަރިވަރުންނަށް ކަމަށް ސަރުކާރުން ވަނީ ބުނެފައެވެ..