ހޯރަފުށީގައި މިހާރު ކުރިއަށްދާ "ޖީއެސް އަންހެން ވޮލީބޯޅަ ޓޯނަމަންޓް 2024" ގެ ތިންވަނަ މެޗުގައި ހޯމަ ދުވަހުގެ ހަވީރު ހޯރަފުށީ ޕޮލިސް ކުލަބާއި ޓީމު ހިޔާ ބޮޓްލިން ވާދަކުރި މެޗު ތިން ސެޓު އެއް ސެޓުން ކާމިޔާބުކޮށް ޓީމު ހިޔާ ބޮޓްލިން އިން މުބާރާތުގެ ފުރަތަަމަ މޮޅު ހޯދައިފިއެވެ.

މުބާރާތުގައި ހޯރަފުށީ ޕޮލިސް ކުލަބުން ކުޅުނު ފުރަތަަމަ މެޗުގައި ފެނަކަ އަތުން ސީދާ ތިން ސެޓުން މޮޅުވެފައިވާއިރު، ޓީމު ހިޔާ ބޮޓްލިންގެ ފުރަތަަމަ މެޗުގައި އެޓީމު ވަނީ އެފްސީ ފްރިގޭޓާ އަތުން ތިން ސެޓު އެއް ސެޓުން ބަލިވެފައެވެ.

ޓީމު ހިޔާ އަދި ޕޮލިސް ޓީމު ވާދަކުރި މެޗުގެ ތެރެއިިން

މެޗުގެ ފުރަތަަމަ ފުރަތަަމަ ދެ ސެޓު ފަސޭހަކަމާއި އެކު ޓީމު ހިޔާ އިން ކާމިޔާބުކުރި އިރު، ފުރަތަަމަ ސެޓް 13-25 އަދި ދެވަނަ ސެޓް އެޓީމުން ކާމިޔާބުކުރީ 17-25 އިންނެވެ . ނަމަވެސް މެޗުގެ ތިންވަނަ ސެޓްގައި ޕޮލިސް ޓީމުން ވަނީ އެޓީމުގެ ކުޅުން ރަނގަޅުކޮށް ޑިފެންސާއި އެޓޭކުތައް ވެސް އިތުރަށް ވަރުގަދަކޮށްފައެވެ. މިއާއެކު އެޓީމުން މި ސެޓް ކާމިޔާބުކުރީ 18-25 އިންނެވެ.

ޓީމު ހިޔާ އަދި ޕޮލިސް ޓީމު ވާދަކުރި މެޗުގެ ތެރެއިިން

ނަމަވެސް މެޗުގެ ހަތަރުވަނަ ސެޓުގައި ޕޮލިސް ޓީމުގެ ފަރާތުން ގިނަ މިސްޓޭކްތަކެއް ފެނިގެންދިޔަ އިރު މި ސެޓް ޓީމު ހިޔާ އިން ކާމިޔާބުކުރީ ފަސޭހަކަމާއި އެކު 13-25 އިންނެވެ. މިއާއެކު މެޗުގެ ކުޅުން ނިމިގެންދިޔައީ ތިން ސެޓު އެއް ސެޓުން ޓީމު ހިޔާ ކުރީގައި އޮވެގެންނެވެ. އަދި މިމެޗުގެ ކުއީން އޮފްދަ މެޗަކަށް ހޮވުނީ ޓީމު ހިޔާގެ ޖޯޒީ ނަމްބަރު 10 މާޖިދާ އެވެ.

ޓީމު ހިޔާ އަދި ޕޮލިސް ޓީމު ވާދަކުރި މެޗުގެ ތެރެއިިން

މިމުބާރާތަކީ ކުލަބު ޖީއެސްގެ ފަރާތުން އިންތިޒާމްކޮށްގެން ހއ. ހޯރަފުށީގައި ހަރަކާތްތެރިވާ ކުލަބު ޖަމިއްޔާތަކާއި، ސަރުކާރުގެ އޮފީސްތަކާއި ސަރުކާރު ހިއްސާވާ ކުންފުނިތަކާއި، އަމިއްލަ ކުންފުނިތަކުގެ އިތުރުން އަމިއްލަ ވިޔަފާރިތަކަށް ބައިވެރިވުމުގެ ފުރުސަތު ހުޅުވާލައިގެން ބާއްވާ މުބާރާތެކެވެ. 

ޗެންޕިްއަން ޓީމަށް 10,000 ރުފިޔާ އަދި ރަނަރަޕް ޓީމަށް 5,000 ގެ ފައިސާގެ އިނާމެއް ހުށަހަޅާފައިވާ މިމުބާރާތުގައި ހަތަރު ޓީމަކުން ބައިވެރިވެފައިވާ އިރު މުބާރަތުގެ މެޗުތައް ކުރިއަށް ގެންދިއުމަށް ހަމަޖެހިފައިވަނީ ލީގު އުސޫލުންނެވެ.
ލީގު ބުރުގައި ކޮންމެ ޓީމެއް ކޮންމެ ޓީމަކާއި އެއް މެޗު ކުޅެ އެންމެ ގިނަ ޕޮއިންޓް ހޯދާ ޓީމަކަށް މުބާރާތުގެ ފައިނަލުން ޖާގަ ލިބޭއިރު، ފައިނަލުގެ ދެވަނަ ޖާގަ ލިބިގެންދާނީ ލީގު ބުރުގެ ދެވަނަ ޓީމާއި ތިންވަނަ ޓީމުގެ މެދުގައި ކުޅެވޭ ޕްލޭއޮފް މެޗުން މޮޅުވާން ޓީމަކަށެވެ.
މިއަހަރުގެ މުބާރާތުގެ މެއިން ސްޕޮންސަރ އަކަށް އުރިދޫ މޯލްޑިވްސް އިތުރުން ވިއޭނާ ސްޕޯޓްސް ކުލަބު ހަމަޖައްސާފައިވާ އިރު، މުބާރާތްގެ އޮފިޝަލް މީޑިއާ ޕާޓްނަރަކީ ވޮއިސް އެވެ.