މި އަންނަމަހުގެ 17 ވަނަ ދުވަހު ބޭއްވުމަށް ހަމަޖެހިފައިވާ 20 ވަނަ ރައްޔިތުންގެ މަޖިލިހުގެ އިންތިހާބުގައި ބައިވެރިވުމަށް އެދި 381 ފަރާތަކުން ފޯމް ހުށަހަޅާފައިވާކަމަށް އިލެކްސަން ކޮމިޝަން އީސީން ހާމަކުރައްވައިފިއެވެ.
މިކަން ހާމަކުރައްވާފައި ވަނީ އިސީގެ ނައިބުރައީސް އިސްމާއިލް ހަބީބު އެކްސްމެދުވެރި ކުރައްވާ ކުރެއްވި ޕޯސްޓެއްގައެވެ. އެ ޕޯސްޓުގައި ހަބީބު ވިދާޅުވެފައި ވަނީ ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް އިލެކްޝަންސް ކޮމިޝަނުން ޢާންމުކޮށް ހުޅުވާލި މުއްދަތުގެ ތެރޭގައި ޖުމްލަ 381 ހުށަހެޅުން ލިބިފައިވާކަމަށެވެ.
ހަބީބުގެ ޕޯސްޓުގައި އިތުރަށް ވިދާޅުވެފައި ވަނީ މިއަދު ލިބުނީ 86 އެޕްލިކޭޝަން ކަމަށާއި، އިއްޔެއާއި ހަމައަށް ލިބުނު ހުށަހެޅުން ތަކަށް މިރޭގެ ނިޔަލަށް ޖަވާބު ދެއްވާނެ ކަމަށެވެ.
"މިއަދު ލިބުނީ 86 އެޕްލިކޭޝަން. އިއްޔެއާ ހަމަޔަށް ލިބުނު ހުށަހެޅުން ތަކަށް މިރޭގެ ނިޔަލަށް ޖަވާބު ދޭނެ. މިއަދުގެ ހުށަހެޅުންތަކަށް، އިރާދަކުރެއްވިއްޔާ، މާދަމާ ރޭގެ ނިޔަލަށް ޖަވާބު ދިނުމުގެ މަސައްކަތް ދަނީ ކުރެވެމުން."
ހަބީބުގެ ޕޯސްޓުގައި ވިދާޅުވެފައިވެއެވެ.
ކުރިއަށް އޮތް ރައްޔިތުން މަޖިލިހުގެ އިންތިހާބު އަންނަމަހުގެ 17 ގައި ބޭއްވުމަށް އިލެކްޝަން ކޮމިޝަނުން އަންނަނީ ތައްޔާރު ވަމުންނެވެ. މިކަމަށް އިޝާރާތް ކުރައްވާ ހަބީބުގެ ޕޯސްޓުގައި އިތުރަށް ވިދާޅުވެފައި ވަނީ ރައްޔިތުންގެ މަޖިލީހުގެ އިންތިޚާބަށް ކުރިމަތިލީ ފަރާތްތަކުގެ، ނަން ތަރުތީބު ކުރުމަށްޓަކައި، ކެންޑިޑޭޓުންގެ މެދުގައި، ގުރުޢަތު ނެގުން ހުކުރުދުވަހު އޮންނާނެ ކަމަށެވެ. ގުރުއަތުލުން އޮންނާނެ ގަޑިތައް ކެންޑިޑޭޓުންނަށް އިލެކްޝަންސް ކޮމިޝަނުން ދަންނަވަމުން ގެންދަވާނެ ކަމަށްވެސް ހަބީބުވިދާޅުވެފައި ވެއެވެ.
ކުރިއަށް އޮތް 20 ވަނަ ރައްޔިތުންގެ މަޖިލިހުގެ އިންތިޚާބު ބާއްވަން އިލެކްޝަން ކޮމިޝަނުން ކަނޑައަޅާފައި ވަނީ އަންނަ މާރިޗް މަހުގެ 17 ވަނަ ދުވަހުކަމުގައި ވީ ނަމަވެސް ރައްޔިތުންގެ މަޖިލިހުން މިހާރު ވަނީ ރޯދަ މަސް ނިމޭތާ 10 ދުވަސް ފަހުން އިންތިޚާބު ބާއްވަން ޖެހޭގޮތަށް ޤާނޫނު އިސްލާހުކޮށްފައެވެ.
Advertisement
This content is created and paid for by advertisers and does not involve Voice Journalists
